Populaire Bijbelverzen uit Yowana 5

Deel

“Ni chimari enibhabhwira ati, omuunu woonewoone unu kaategeresya emisango jaani na okwikirisya Nyamuwanga unu ꞉aantumire, oyo ari na obhuwanga bhwa akajaanende koone. Omuunu oyo atariramurwa, tari aambukire okusooka mu‑kufwa na okwingira mu‑bhuwanga bhwa kajaanende koone.

Niwo Yeesu ˆnaamurora amaamire awo. ꞉Aasombookeeywe ati omuunu oyo ni murwaye kwa omwanya omureera, ˆnaamubhuusya ati, “Angu, oweenda okuwora?”

“Omwikomeesya okuyenjeresya mu‑Bhikaame Ebhyeru, kwa okubha omwitogera ati omutura okubhona‑mo obhuwanga bhwa kajaanende koone. Mbe woori, Ebhikaame ebhyo nibhyo ebhimbambaarira anye! Nawe mutakwenda okuuja kw‑anye, korereki mubhone obhuwanga bhwa kajaanende koone.

Niwo Yeesu ˆnaamubhwira ati, “Imereeguru! Ugege riraro ryawo, uribhate.” Awoawo, omuunu oyo ˆnaawora, ˆnaagega riraro ryaye, ˆnaamba okuribhata. Nawe omusango gunu ꞉gwakorekeene ku‑rusuku rwa Isabhaato.

Yeesu ˆnaabhwira abhatangasya abho ati, “Ni chimari enibhabhwira ati, Omwana wa Nyamuwanga atakutura okukora omusango gwonegwone ku‑bhuturo bhwaye. Tari kaakora era jinu kaarora Esemwene ˆnaakora. Joone jinu Esemwene kaakora, nijo Omwana wone kaakora.