Populaire Bijbelverzen uit मात्‌ति 2

Deel

हिट्‌नुङ् पाङ् भिट्‌रा उलिगानाँ हिट्‌नागाँ ओओ उमा मारियामलोक् लिसाना उनिसुए॥ हिट्‌नुङ् गुङ् ओचोगाउङ् ओओ स्‍या ओमेट्‌टुए, हिट्‌नुङ् जाप्‍रामालाम्‍मा साम्‍याङ्, धुपा, हिट्‌नुङ् बुङ्‌बुङ् नाम्‍ना आट्‌टार ओहोट्‌टुङ् ओठाङ्‌सुए॥

येसु याहुदिया छेट्‌राङिना बेथलेहेम ओलोडुना युक्‍ताम्‌ङि पोङ्‌साना डाना, हिट्‌ना बेला हेरोद हिट्‌नि हाङ्‌बा डाना॥ येसु पोङ्‌साउङ् नाम् होम्‍मालाम्‍मा जोतिसिचि यरुसलेमङि होन्‍डा ओटाए, हिट्‌नुङ् हिट्‌नागाँ नाड्‌डे पिक्‍सा ओमाट्‌टुए, “याहुदि याप्‌मिचिगा हाङ्‌बा लिसाउङ् पोङ्‌साना खोनाइ युङ्‌ग्‍वाना? पोङ्‌भोने आन्‍याँ उन् पोङ्‌साना रिङ्‌ङाना चिन्‍ना कापिबा चोक्‌चिङ्‌गे नाम् होम्‍मालेङ् निसुम्‍मे हिट्‌नुङ् उन् स्‍या मेट्‌सिङा आबिएसिङे॥”

हेरोदङा माट्‌टुना रिङ् ओखेम्‍सुङ् हिट्‌नागा हिट्‌निलाम्‍मा ओलाम्‌टिए॥ हिट्‌नुङ् हिट्‌नागाँ नाम् होन्‍नालेङ् उनिसुना चोक्‌चिङ्‌गे फेरि उनिसुनाँ आड्‌डिक् उन्‌चि चाप् टाए॥ हिट्‌ना चोक्‌चिङ्‌गे उन्‌चि टोकाना टोकाना खाडे, हिट्‌नुङ् ओओ लिसाना ठोङ्‌ङि टासुङ् आड्‌याँ लिसे॥

हिट्‌नुङ् हिट्‌नागाँ सेम्‍माङ्‌ङि हेरोदङि नोक्‍नेनिन् नुङ् रिङ् ओटोगुङ् हिट्‌नागा आरको लाम्‍बो उलिसाउङ् उन्‌चि देसङि ओनोक्‍टाउङ् ओखाडे॥ हिट्‌नागा जोतिसिचि ओखाडाउङ्, टाङ्‌बाङाना ठिबाङ् माङ्‌हाङ् रिङ् काउग्‍बा सेम्‍माङ्‌ङि योसेफ सोरि ठेट्‌टे, हिट्‌नुङ् हिट्‌नाङा नाड्‌डे लोडुए, “कोबा, ओओ लोक् उमा खाट्‌टुचिउङ् मिस्‍रा देसङि पिन्‍डा खाडालेट्‌टा, हिट्‌नुङ् आङा खान् पाक्‍चा मिलोए सोम्‍मा हिट्‌नि डोक् युङा, पोङ्‌भोने हेरोदङा ओओ सेप्‍मा लोङ्‌सा निङ्‌ग्‍वा चोगुएट्‌टु॥”