Populaire Bijbelverzen uit Mareko 16

Deel

Soka are erero mō ōpe, Mearovaeka foromai voa teraia aea Ovoro Lareva la makuri karu foromai voa itoro aria.

Sukaerereaita karu ere mea haihava leita peise la leiti roi: ere arave rare ita harisu la maria voa taivatai roi, aea ere uri hariaharia rauapo ita sukavai roi; ere ikaroa la mai sa ovai roi, aea ere paeaita muramura erero levi hasiavai roi; ere ereve mai sa eka karu la mopi, erero lōri lei lareva leiti roi.

Sukaerereai aea bapatiso lei ovaita lea karu la lei makuri leiti roi; a—, sukaerereai auke leita lea karu la seseōvi kaiae tava erero miarai roi.

Soka satiriaraita karu ere maea lei, otioti foromai voa itoro ōvovo teraiape, Papuvita ta ere ita farehoria tivi lei, aea lea soasoa voa leiape haihava peise sa lea ovoro ve okofa la pisiri lei muiaiape.] [ (9) Soka lea uamori ere Petero aea areve maeapavora karu ita tai te, ere mapōpe lea o foromai la erero utohoa omoipe. (10) Lea ve aite voa Iesu kofa areve satiriaraita karu ve ape sa safu aea peita makuri vei soa sarapai auke leita lea ovoro la soa sare pataita itua‐tao soa isei isei sare sukopaita itua‐tao voa itapi itoro ape.]

Are erero mō ōpe, Tore levi leitia; e Iesu Nasareta karu, satauro sa paeaia lea vita la elipea. A—, are itoi, are mōvoa kao; ofae eavaia, ere arero viopaia oti meha.

Ere ofae moravi, lea fave aroruka fapi eaeiape la ofae eavōpe; ipi lea fave rovaekapu. Ere tapu oti iri voa oropi, harokou farakeka aea puta maea‐sea mopi, mai toare itai voa aiseseiape la ofae eovi, ere haihava lei tore leipe.