Populaire Bijbelverzen uit Luka 14

Deel

Karu aea araro tai koti, a—, are areve elore oa ita lou ita, aea areve ua aea atutemori ita, aea maraiosu aea uarosu ita, aeata areve elore makuri ta haiarara auke leitita, a—, are arave satiriaraita karu leiti vei usoso kasirau.

Areve elore satauro la taiovi araro lōri aitetai auke leita lea karu are arave satiriaraita karu leiti vei usoso kasirau.

Ipi ereve elore maea la moravaita lea karu foromai la ipi voa sukavutea fafukai roi, a—, ereve elore maea la ipi voa leita lea karu foromai la moravi arori voa papatavai roi.

Lea vei e voa karu aea areve ovi meita etau foromai la haiarara lei kiripai auke leitita, a—, are arave satiriaraita karu leiti vei usoso levi leiti roi.

E voa karu leisa fave uvi koa turai haikaeaita, a—, are omopa avi turaita tava la seseōvai ao, areve moni lea uvi la lei roroka leita usoso varo. Lōfeare leiti auke leitita, a—, are uvi ve ipi oti vipi kekese lei, are uvi lei roroka leitita usoso auke leita varo, aea lea uvi la rurita karu foromai arero area sa vutea a’, mō ari roi, Mea vita uvi turai haikaeaita, a—, arero roroka leiti moni kasirau.

A—, a sosoka leita soa, merava karu aea maea mitutu karu, aea mora huaveahuavea karu aea ofae kuku karu ita la isaia. Lōfeare leitita, a—, a lareva leiti roi, ipi ere tava etau aro miaraita ore kasirau. Haura karu opi ata itoita soa voa a tava lōri ovai roi.

Sōlo are etau lareva, a—, sōlo ve peroro veverapai oria, arero ata lei lareva leita otiharo kasirau. Are eite kao mea la lei tapare leiti vei varo, roro oti voa suka sisiōvaita varo. Karu lōfeare etau la au mutapaitore. Karu mapaita ōvauta ita oria, lea o la mapaia.