Populaire Bijbelverzen uit Yṳ̂ha 3

Deel

“Cǒmara mô̤nṳ̌bò kòyò hǎkhû̌phû̌ lǒ̤bò. Lǒ̤꤮ bò kòyò dǒ a yṳ̌nǐ̤nǎ̤nǐ̤ aphû̌khû tokhlǒnu, pô̤̌khô a gǔ nǐ̤bǎ yôla htûpwa̤ tûjû̌pwa̤ dě a gǔ tǒ̤ dǒ ta̤pî̌ta̤lṳ̂̌ tô̤̌nu, a ǐlò̤kè aphû̌khû tôpwa̤ nô̤̌nu dǒ kòyò hǎkhû̌phû̌ tokhlǒ ayahǒ.

Ma̤titèhî̌dě, Cǒmara nohèlò̤ aphû̌khû dǒ a gǔ cî̌htò̌ kòyò hǎkhû̌phû̌ ayanu mè̤̌tô̤̌. Mè̤̌mè̤̌tôkhônu a nohè lû̌û dǒ a gǔ hè ma̤hǎplǎge kòyò hǎkhû̌phû̌ aya nupwǎ.

Yeshǔ hî̌shěshu lû̌û kû̌, “He hî̌cǒcǒ na, kòyò dǒ a ô̌phû̌jǎlò̤ sô̌ tôplǎ꤮ tô̤̌ tokhlǒnu, a kè̌shǐbǎ Cǒmara ashiagǎ tôpwǎ̤꤮ tô̤̌.”

Kòyò dǒ a yṳ̌ǎ phû̌khû tokhlǒnu, Cǒmara cî̌htò̌ asî tô̤̌. Kòyò dǒ a yṳ̌ǎ phû̌khû tô̤̌ tokhlǒnu, Cǒmara cî̌htò̌ asî hǒ, ma̤titè̌hî̌dě, a yṳ̌ǎ gû̌ kòyò Cǒmara aphû̌khû dǒ a ô̌ tôpwa̤nô̤̌ nutôpwa̤ tô̤̌ akhû̌akhî, a cî̌htò̌hto asîhǒ.

Ma̤titèhî̌dě asî khòbǎ ta̤cî̌htò̌ numî̌, Cǒmara ata̤lî hènṳ̌ dǒ hǎkhû̌nu bǎbǎkǎlè kòyò hǎkhû̌phû̌ tokhlǒ sǎyṳ ta̤lî nutô̤̌, ma̤titè̌hî̌dě asî lî̤̌ ma̤ ta̤phû̌mò̤̌shǐhtô tokhlǒ akhû̌akhî, a mô̤ǐ khlo dǒ ta̤khǐsiwi̤.

A mî̌ a tôbǎ lṳ̂dû̌gutṳ̌, he mî̌ a tôbǎ lǎ̤lṳ̂ pî̌tî̌lǒ.

Lǒ̤꤮ bò kòyò dǒ a ma̤ ta̤phû̌mò̤̌shǐhtô tokhlǒnu, a sǎkhě ta̤lî dě a hè dǒ ta̤lî a ô̌tô̤̌, ma̤titè̌hî̌dě kòyò dǒ a ma̤ ta̤phû̌mò̤̌shǐhtô tokhlǒnu, a ǐsha kû̌ a ta̤sǔta̤plě tokhlǒ ô̌lṳ̌htò̌ dě a hè tô̤̌.

Kòyò dǒ a yṳ̌nǐ̤nǎ̤nǐ̤ phû̌khû tôpwa̤ tokhlǒnu, a nǐ̤bǎ yôla htûpwa̤ tûjû̌pwa̤. Dě kòyò dǒ a ganǎ̤de gû̌ kòyò tô̤̌ dě a yṳ̌nǐ̤nǎ̤nǐ̤ gû̌ kòyò phû̌khûnu tô̤̌ tokhlǒnu, a nǐ̤bǎ gû̌ kòyò ta̤htûpwa̤ tô̤̌. Cǒmara a ta̤cî̌htò̌ lò̤tě̤ ô̌ dǒ kòyò nutokhlǒ alô̤.”

Pô̤̌khô Khûmṳ̂shě dǒwǐkha a bè̌htò̌ wṳ̂̌tili̤bò yô̤ dǒ nò̌dò̌htǔlô̤nu Kòyòphû̌khû mî̌ henu, kòyò glè̌ bè̌htò̌yǎ pô̤̌nupě.

Pha Cǒmara mô̤ǐ aphû̌khû dě a ǐbò lû̌ ta̤pṳ̂̌tocǒ dǒ a cǔdekû hǒ.