Populaire Bijbelverzen uit ᤗᤢᤁᤠ 6

Deel

ᤔᤏᤠᤜᤠ᤹ ᤐᤡᤖᤧᤶᤛᤡᤶᤔᤧ᤹ ᤜᤧᤰᤁᤩᤠᤱ ᤂᤡᤏᤡ᤹ᤀᤠᤱ ᤁᤧᤶᤒᤡᤖᤡ᤹ᤖᤥ॥ ᤏᤢᤖᤡᤰ ᤛᤡ᤺ᤰᤋᤧᤶᤔᤧ᤹ ᤏᤢᤖᤡᤰ ᤌᤧᤰᤋᤧᤶᤔᤧ᤹ᤖ ᤏᤢᤖᤡᤰ ᤔᤢᤴᤍᤧᤶᤔᤧ᤹ᤖ ᤁᤢᤎᤡᤶ ᤐᤥᤱᤅᤠᤱ ᤁᤢᤘᤧᤋᤫᤧᤳ ᤔᤏᤠᤜᤠ᤹ ᤛᤡ᤺ᤰᤋᤧᤶ ᤐᤡᤖᤧᤶᤛᤡᤶᤔᤧ᤹. ᤒᤠ ᤜᤧᤰᤁᤣᤗ᤹ᤖᤡᤰᤁᤣ ᤂᤡᤏᤡ᤹ᤀᤠᤱ ᤁᤧᤶᤒᤡᤖᤡ᤹ᤖᤥ॥ ᤂᤡᤏᤡ᤹ ᤀᤠᤰᤂᤣᤗ᤹ᤖᤡᤰ ᤁᤧᤛᤡ᤺ᤰᤋᤢᤶ ᤁᤧᤒᤡᤖᤢᤶᤛᤡᤶ. ᤒᤠ ᤜᤧᤰᤁᤣᤗ᤹ᤖᤡᤰ ᤂᤡᤏᤡ᤹ᤀᤠᤱ ᤁᤧᤶᤛᤡ᤺ᤰᤋᤡ ᤁᤧᤶᤒᤡᤖᤡ᤹ᤖᤥ॥”

ᤏᤢᤒᤠ ᤔᤏᤠ᤺ᤸᤗᤧ ᤁᤢᤏᤡᤱᤘᤠ᤹ ᤛᤡᤃᤠᤱ ᤁᤧᤕᤠᤰᤐᤠ ᤏᤢᤒᤠ ᤐᤠ᤺ᤴᤏᤥᤗᤠᤶ ᤏᤢᤒᤠ ᤕᤠ᤺ᤶᤒᤰ ᤆᤥᤃᤢ᤹ᤖᤥ॥ ᤜᤧᤰᤁᤣᤗ᤹ᤖᤡᤰᤁᤣ ᤋᤠᤵᤑᤧ᤺ᤶᤒᤠ ᤔᤏᤠ᤺ᤸᤗᤧᤀᤠᤱ ᤁᤢᤏᤡᤱᤘᤠ᤹ ᤛᤡᤃᤠᤱ ᤁᤧᤕᤠᤰᤐᤠ ᤋᤠᤵᤑᤧ᤺ᤶᤒᤠ ᤐᤠ᤺ᤴᤏᤥᤗᤠᤶ ᤑᤧᤴ ᤕᤠ᤺ᤶᤒᤰ ᤆᤥᤃᤢ᤹ᤖᤥ॥ ᤜᤧᤰᤁᤩᤠᤱ ᤏᤡᤱᤘᤠ᤹ ᤛᤡᤃᤠᤱ ᤁᤧᤕᤠᤰᤐᤠ ᤐᤠ᤺ᤴᤜᤠ᤹ᤀᤣ ᤔᤏᤠᤜᤠ᤹ᤖᤧ ᤂᤢᤏᤡ᤹ ᤔᤢᤖᤠᤗᤠᤶ ᤔᤧᤒᤠ᤺ᤳᤋᤢ ᤔᤧᤗ᤺ᤳᤋᤢ᤹ᤖᤥ॥

ᤁᤖ ᤂᤡᤏᤡ᤹ ᤏᤡᤱᤔᤡᤜᤠ᤹ ᤗᤢᤱᤔᤠ᤹ ᤋᤢᤰᤋᤧᤶᤛᤡᤶᤔᤧ᤹. ᤂᤧᤱᤜᤠ᤹ ᤏᤢᤖᤡᤰ ᤔᤧᤳᤋᤧᤶᤛᤡᤶᤔᤧ᤹. ᤜᤧᤰᤁᤩᤠᤱ ᤔᤧᤏᤢ᤺ᤰᤋᤢᤖ ᤑᤠ᤹ᤀᤠᤱ ᤔᤧᤴᤀᤡ᤺ᤳᤋᤣ ᤌᤧ᤹ᤗᤠ ᤐᤡᤖᤧᤶᤛᤡᤶᤔᤧ᤹. ᤜᤧᤰᤁᤣ᤺ᤸᤗᤧ ᤂᤡᤏᤡ᤹ ᤌᤢᤶᤄᤥᤴ ᤕᤖᤡᤰ ᤐᤥᤱᤗᤥ॥ ᤜᤧᤰᤁᤩᤠᤱ ᤂᤡᤏᤡ᤹ ᤁᤧᤖᤧᤰᤏᤢ᤺ᤸᤗᤧ ᤐᤕᤶ ᤕᤶᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤛ᤻ᤛᤠ ᤁᤧᤒᤥ᤺ᤰᤂᤡ᤹ᤖᤥ. ᤌᤣᤀᤠᤱᤓᤧᤸᤗᤧ ᤂᤢᤏᤧ᤹ᤃ ᤁᤢᤏᤡᤱᤘᤠ᤹ ᤔᤧᤴᤍᤠ᤺ᤔᤏᤠᤜᤠ᤹ ᤏᤢ ᤁᤢ᤹ᤀᤡᤃᤧᤓᤧᤶᤒᤠ ᤔᤏᤠᤜᤠ᤹ᤀᤠᤱ ᤗᤢᤱᤔᤠ᤹ ᤋᤢᤰᤋᤢᤛᤡ᤹ᤖᤥ॥

ᤂᤡᤏᤡ᤹ ᤐᤠᤏᤢᤍᤡᤱ ᤐᤠ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤕᤠᤵᤔᤡ ᤗᤢᤱᤔᤠ᤹ ᤁᤧᤍᤢᤰᤐᤠ ᤆᤥᤰ. ᤂᤧᤸᤗᤧᤆᤥᤃᤢᤸᤗᤧ ᤂᤡᤏᤡ᤹ᤀᤠᤱ ᤔᤏᤠᤜᤠ᤹ ᤗᤢᤱᤔᤠ᤹ ᤋᤢᤰᤋᤧᤶᤛᤡᤶᤔᤧ᤹ᤀᤥ॥”

“ᤔᤏᤠᤜᤠ᤹ ᤐᤠᤴ ᤔᤧᤎᤡᤰᤋᤧᤶᤛᤡᤶᤔᤧᤴᤏᤧ᤹. ᤜᤧᤰᤁᤣᤗ᤹ᤖᤡᤰ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤡᤏᤡ᤹ᤀᤠᤱ ᤐᤠᤴ ᤁᤧᤴᤎᤡᤰᤋᤡᤴᤗᤥ॥ ᤔᤏᤠᤜᤠ᤹ ᤆᤧ᤹ᤕᤠ ᤀᤡᤱᤍᤥ ᤔᤧᤔᤧᤳᤋᤧᤶᤛᤡᤶᤔᤧᤴᤏᤧ᤹ᤀᤥ. ᤜᤧᤰᤁᤣᤗ᤹ᤖᤡᤰ ᤂᤡᤏᤡ᤹ᤀᤠᤱ ᤆᤧ᤹ᤕᤠ ᤀᤡᤱᤍᤥ ᤁᤧᤔᤧᤶᤔᤧᤳᤋᤡᤴᤗᤖᤥ॥ ᤔᤏᤠᤜᤠ᤹ ᤗᤧᤵᤔᤡ ᤐᤡᤖᤧᤶᤛᤡᤶᤔᤧ᤹ᤀᤥ. ᤜᤧᤰᤁᤣᤗ᤹ᤖᤡᤰ ᤂᤡᤏᤡ᤹ᤀᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤗᤧᤵᤔᤡ ᤁᤧᤒᤡᤖᤡ᤹ᤖᤥ॥

“ᤁᤖ ᤀᤡᤱᤃᤠ᤹ ᤀᤠᤒᤠᤴ ᤁᤧᤄᤧᤶᤒᤠᤛᤣ. ᤂᤡᤏᤡ᤹ ᤏᤡᤱᤔᤡᤜᤠ᤹ ᤗᤢᤱᤔᤠ᤹ ᤋᤢᤰᤋᤧᤶᤛᤡᤶᤔᤧ᤹ᤀᤥ॥ ᤕᤠᤵᤔᤡ ᤁᤧᤈᤡ᤺ᤵᤐᤠᤜᤠ᤹ ᤏᤢᤖᤡᤰ ᤔᤧᤳᤋᤧᤶᤛᤡᤶᤔᤧ᤹ᤀᤥ॥ ᤂᤡᤏᤡ᤹ ᤛᤠᤱᤃᤪᤠ ᤁᤧᤔᤧᤵᤐᤠᤜᤠ᤹ ᤔᤢ᤹ᤀᤡᤛᤠᤶ ᤌᤠᤛᤧᤶ ᤐᤡᤖᤧᤶᤛᤡᤶᤔᤧ᤹ᤀᤥ॥ ᤂᤡᤏᤡ᤹ ᤋᤠᤵᤑᤧ᤺ᤸᤗᤡᤰ ᤁᤧᤔᤧᤵᤐᤠᤜᤠ᤹ ᤋᤢᤘᤠ ᤆᤥᤃᤧᤶ ᤐᤡᤖᤧᤶᤛᤡᤶᤔᤧ᤹ᤀᤥ॥

ᤜᤧᤰᤁᤩᤠᤱ ᤘᤣ᤹ ᤔᤏᤠᤜᤠ᤹ᤖᤧ ᤀᤠᤰᤂᤣ ᤁᤧᤶᤔᤧᤳᤋᤡᤒᤠ ᤏᤡᤱᤘᤠ᤹ ᤁᤧᤀᤡ᤺ᤳᤋᤢᤶ. ᤂᤡᤏᤡ᤹ᤀᤠᤱ ᤒᤠᤜᤧᤰᤁᤣ ᤔᤧᤳᤋᤧᤶᤛᤡᤶᤔᤧ᤹ᤀᤥ॥

ᤜᤠ᤺ᤳᤗᤧ ᤁᤧᤏᤧᤍᤧᤱᤒᤠᤴ ᤁᤧᤗᤧᤱ ᤁᤧᤒᤡ᤹. ᤂᤧᤏᤧ᤹ ᤘᤣ᤹ ᤗᤧᤵᤔᤠᤱᤒᤠ ᤁᤧᤏᤧᤍᤧᤱᤒᤠᤴᤏᤠᤱ ᤂᤧᤴ ᤋᤥ᤺ᤴᤍᤧ ᤐᤡᤖᤧ᤹॥ ᤜᤠ᤺ᤳᤗᤧ ᤛᤠᤰᤁᤧᤸᤗᤧᤰ ᤁᤧᤛᤢᤱᤄᤣᤰᤘᤠᤴ ᤁᤧᤏᤠᤵᤐᤠᤱ ᤋᤣ᤹ᤖᤢ᤹. ᤂᤧᤴᤏᤡᤴ ᤁᤧᤈᤠᤱᤔᤠ ᤋᤣᤳᤋᤡᤴᤏᤠᤱ ᤐᤡᤖᤧᤍᤣᤛᤧ᤹ᤀᤥ॥ ᤜᤧᤰᤁᤩᤠᤱ ᤁᤧᤏᤠ᤺ᤰᤐᤠᤜᤠ᤹ ᤐᤡᤖᤧᤛᤧ᤹ᤀᤥ॥ ᤜᤧᤰᤁᤩᤠᤱ ᤁᤧᤈᤡᤃᤰᤘᤠᤜᤠ᤹ ᤁᤧᤍᤣ᤹ᤒᤠᤜᤠ᤹ ᤕᤠᤶᤔᤥ ᤕᤠᤱᤏᤠ ᤔᤧᤏᤠ᤺ᤰᤋᤧᤶᤛᤡᤔᤡᤴᤏᤧ᤹ᤀᤥ॥

“ᤀᤠᤳᤋᤡᤴ ᤏᤢᤒᤠ ᤛᤡᤱᤒᤢᤱᤅᤥᤀᤠᤱ ᤋᤠᤵᤑᤧ᤺ᤶᤒᤠ ᤛᤡᤱᤛᤣ᤹ ᤔᤧᤎᤥ᤺ᤰᤏᤧᤴᤗᤥ. ᤜᤧᤰᤁᤣᤗ᤹ᤖᤡᤰ ᤀᤠᤳᤋᤡᤴ ᤋᤠᤵᤑᤧ᤺ᤶᤒᤠ ᤛᤡᤱᤒᤢᤱᤅᤥᤀᤠᤱ ᤏᤢᤒᤠ ᤛᤡᤱᤛᤣ᤹ ᤔᤧᤎᤥ᤺ᤰᤏᤧᤴᤗᤥ॥

ᤂᤧᤴ ᤛᤡᤱᤒᤢᤱᤜᤠ᤹ᤃ ᤛᤡᤱᤛᤣᤜᤠ᤹ ᤀᤥᤔᤧᤵᤔᤠᤀᤠᤱᤛᤠᤱ ᤁᤢᤛᤡᤱ ᤏᤡ᤺ᤳᤔᤧᤍᤧᤳᤗᤥ॥ ᤀᤠᤵᤑᤠᤸᤗᤧᤀᤠᤱ ᤋᤡᤱᤃᤪᤣᤰ ᤐᤥ᤺ᤰᤗᤠᤀᤥᤗᤠᤶ ᤔᤏᤠᤜᤠ᤹ᤖᤧ ᤐ᤺ᤳᤇᤣ᤹ᤀᤡᤴ ᤔᤧᤴᤍᤢᤒᤢᤴᤗᤥ॥ ᤜᤧᤰᤁᤣᤗ᤹ᤖᤡᤰ ᤋᤡᤱᤘᤠᤛᤣᤰ ᤐᤥ᤺ᤰᤗᤠᤀᤥᤗᤠᤶ ᤆᤧᤸᤗᤧᤰᤛᤣ᤹ᤀᤡᤴ ᤔᤧᤴᤇᤢᤵᤛᤢᤴᤗᤥ॥