Populaire Bijbelverzen uit Zone 1

Deel

Ghe ka ira noni haroharo dike hio namahio manei dike va hohoghonao ghu ka manei mu, manei neke vanadi ia mana mala meha nona rekahana God.

Ka ia tatanigaina mu ia Saoro neke to kusu au. Ia Saoro mu neke au taremehana God, nia ia Saoro mu neke God ma, e ghua.

Ia fegala ne pelara ka giliona ia nagoromo, toraina deona ia nagoromo ge boka paufi ghu.

Ia Saoro mu neke meha noni neke meha au ghu aiahi ka malau iahi peka vari hoataida ghita. Ghai nato ke finini ia nona varanga, ia varanga ka ia tuuna kaikena neke sipa mehao ka ia Mama, foudina ia varisute ta vanada kakato nia hohoghona.

Ira vahina leghutau nga mu manei neke va vuharira. E deo kaike leghutau va vuha ghu, neke deona ge riva ghini ghu manei. Ka manei e au ia doli, nia doli ianimu tuna ge va meha fegala ghu ka ira noni haroharo, e ghua.

Ia keha ravata Zone neke finini Zisas la ghahe vai mehana ka taghonai, neke kahe ghua ghu iahi, “!Fini! !Ianihi ia Rekahana Sipisipi ka God mala veala, ia ta hio kairi ira sasake ka malau iahi peka!

Ia Saoro mu neke au mo ka giliona malau iahi peka, ghe malau iahi peka deo geke fini avohi ghu manei, geta neke riva ghini mo God malau iahi peka taremehana manei. Manei neke meha ka nona soloso ini taghonai, ghe ira nona noni taghonai ira Ziu, e deo gedi ke hio namahi ghu.

Ia toraina fegala ta hohoghona ta vanadi fegala ira leghu noni nga mu, neke la mala meha ka giliona malau iahi peka.

Ia sesepana va beana ka ia vetula God mu neke la meha ka ghita ka Mosese, nga ia foforuna va beana ka ia hohoghona nia ia varisute ta va meha kakatoi e ghua mu, neke la meha ka ghita ka Zisas Kraes.