Populaire Bijbelverzen uit GÉNESIS 21

Deel

Mandaj Dios imashna nishcashnami Sara huarmica, Abrahambaj huahuata vijsayu tucurca.

Chai huahuagu huacajujta, Taita Dios uyajpimi, Taita Diospaj angelca, Agar huarmita jahua pachamanda cashna nirca: “¿Agar, imata tucungui? Ama manllaichu, Taita Diosmi, cambaj huahua huacajujtaca uyashca. Cunanga huahuata jatarichishpa, maquihuan charigrilla. Ñucami, chai huahuamandaca shuj jatun llactata rurasha” nirca.

Sara huarmica ña payagu cashpapash, Taita Dios villashca pactajpimi shuj jari huahuaguta, Abrahamhuan charirca.

Chaimandami Sara huarmica cashna nijurca: “Taita Diosmi ñucataca asichihuashca. Chaita uyashpaca, ñucahuanmi shujcunapash asinga” nircami.

Chashna cajpimi Taita Diosca, Abrahamdaca cashna nirca: “Chai huahuamandapash, cambajta ruraj huarmimandapash ama ninanda llaquirichu. Cambaj huarmi Sara tucui imata nishcata rurailla. Isaacmandami canmanda miraicunaca catinga.

Shinallata, gañan huarmipaj churipash, cambaj miraillata cashcamandami, shuj jatun llactata rurasha” nircami.