Populaire Bijbelverzen uit GÉNESIS 15

Deel

Mandaj Dios villashcata crijpimi, Abramdaca alicachishpa chasquirca.

Chaicunapaj jipami Mandaj Diosca, Abrahamman muscuipishna ricurishpaca: “Abram, ama manllaichu. Ñucami, can jarcarina escudoshna cani. Ñuca carajpimi tucuita ninanda charingui” nirca.

Shina nishpami Abramdaca canllaman pushashpa, cashna nirca: “Cunanga, jahua pachata ricui. Chai luzerocunata yupai ushashpaca, yupailla” nircami. Shinallata cashnatapashmi nirca: “Cambaj miraicunapash, chai luzerocunashnami canga” nircami.

Chai jipami Mandaj Diosca, Abramda cashna nirca: “Can imata charishcatapash paica na japingachu, ashtahuangarin, cambaj churipachami, can imata charishcatapash japinga” nirca.

Chashna manllarijujpimi Mandaj Diosca, Abramdaca cashna nirca: “Cambaj mirai huahuacuna shujcunapaj llactapi causagrinataca yachanami cangui. Chai llactapimi, gañan tucushpa causanga. Paicunaca, chuscu patsaj huatacamanmi, llaquichi tucushpa causanga.

Shina nijpimi Abramga: “Jatun Mandaj Dioslla, ¿imagutata caragrihuangui? huahuatapash na charipanichu. Ñuca imata charishcatapash, Damasco pueblomanda Eliezer runami japinga” nircami.

Chai punllami Mandaj Diosca, Abramhuan pactachingapa ari nishpa cashna nirca: “Cai llactataca, cambaj miraicunamanmi carasha. Egipto llactata rijuj jatun yacumandaca, Éufrates shuti jatun yacucamanmi carasha.

Cambaj miraicunaca, chuscu miraicaman mirashca jipami cutin caiman tigramunga. Amorreo gentecuna, jatun na alicunataca nara rurashcamandami, cambaj miraicunaca nara tigramunga” nijurcami.