Populaire Bijbelverzen uit Mateus 6

Deel

Hian hanguruen hanu memrad masi ber lang, longu ber gor ad Jehova, aga memrad hian ge. Muren longu ogo molhe ber boan i gmeher ndro mu lie.

Mbue hanguruen gan anmu ber mo mu da gien sa. Bing si rang si mu ghanguruen gan le rang si ge.

Io boi le ndro mu: Mbue hanguruen sidesi longu le mandrmu ge. Mbue bai: Du gien sa, du gilmui sa, mbue hanguruen salo le mandrmu ge, mandrmu i hian hanu le gan anmu, i hian hanu le salo ademu lie.

Be uo lodu, beg raring le ndro Jehova, al le lundieum adem, vadi babi, lodu le ndro Damen le lundieum. Damem i lele uo, i delengan le raring adem, i surien lodu adem gle hian ge.

Ar mu raring absoui nongen ogoro: Damu le lundielang, hian su hangurueni, ngarn Jehova Helian. Gor adem i gmehere, su lao dandendegei adem ber boan, su gob mburer adem, dege su lao dandendegei adem ber lang su hinen i.

Eruar u ob gan me anu masi mosen

Esbui longu adu momen, dogoro io gol de la ri bugane longu momen su hinen ndro io.

Or gulue du le longu momen. Rumburdi du le longu masi momen.

Ar golmu de la ri bugane longu momen asu su gin hinen ndro mu, Damdu ber lang i hinen i dagara le ndro mu lie.

E lele su ndorgan ber lang, su de lug gan le numen asu bui. Su de daui gan le goure le um asu bugane. Damu ber lang i hengen gan me ansu masi. Mu hian hanu le su dorgan ber lang de bui?

Mbue ilgi memrad ber boan le goure, ul ma rosd i gieni i, su ndremda behena, su mbuserei um, su behena memrad adem. Memrad adem gle lang, ul e rosd de danen ieni bui, su ndremda behena de dansu mbuserei lundielang bui, su de dansu behena memrad adem bugane. Bergolmu e hanguruen ademu i da sidesi baghege le memrad ademu.

Homo i de danen bo mburer le sor ndorlaben marmou bui. Ar ndrnen i irgu le homo i golnisden homo lie, le bergoln i voaniso homo, i mburen homo. Mu dagara lie, danmu bo mburer ad Jehova, ma mburer le memrad molhe ber boan bersi bugane.

Be Jehova i hanguruen lomondriu ber lonhou dagara, i da range ge, mo i gina meng, su bieni i le moan, ar Jehova i hengen salo hian le ndro su, i de danen hengen salo de la ndro mu bugane, mu ndramed momen, desa umu danmu boro ndoui ad Jehova bui? Mbue hanguruen, mbue vong: Du gien sa, du gilmui sa, du hedi salo gle oho?

Mbue hinen dagara ar mu hengen le ndro su gle memrad ademu. Nemen sengen de danen i bui, she longu nemem gameao gin hengen le ndro homo. Gorni memrad adem uo da beg hengen le ndro homo, debosan su ilndri i. Damen le lundielang, i ge, i gin ilndri i, i danen leri, i surien longu adem hian gle memrad ber lang.

Hian gobgulue meluamu. Mbue hinen longu hian le bormarsu ndramed, mu lengi su masi su ilndri longu ademu, su gabmugueni mu leri. Be mu bo hian dagara, Damu ber lang i de danen surien longu ademu hian bui.

Ar mu bandri, bormarmu de gosusngo leri bui, dege bormarsu Pharisi, su da lengi, su ndramed masi, su ilndri bandri asu, su gabmugueni su leri. Ndangen io boi le ndro mu: Surien le bandri asu i gina boen le ndro su. Uo ge, ar uo leng bandri, daui ndrelgei ngohondonreen le borbalem, surhi manderm. Sie i danen malabo uo da bandri i? Bugane. Damen ge le lang, i ge, i danen ilndri bandri adem i gsurien i le longu ber lang.