Populaire Bijbelverzen uit Genesis 37

Deel

Nllapo nimodda Yosefe aalloha nave ahaatthopoollella asinne ollohanko. Nndda ddaheeriha wi emwiite wunchichi okhwaranya khalle.

Sika Yakobo aanamukonda Yosefe okhwaranya anaaye amodda attheene kaambiiwa Yosefooyo ayariwe olliye uulluvallille. Sika aamusowella mukanjo wooreera.

Asinne yoonilliiwa wi Yakobo aanamukonda Yosefe okhwaranya alliwaayo yahaamba omwiita Yosefooyo nave kheyaallotana moohakallalla.

Vano Yosefe aallohattho nave ahaatthopoollellattho asinnaayo wi, “Koollohattho nave kahoona nndduwa, mweeri ni etheneeri khumi ni emodda ddikikokhorellaka.”

Sika asinnaalle yaamukhallella ehache wunchichi koma attiitthinnya yaakhalla eganizeraka ddenndda.

Olliye ahaalleella wi, “Iwani nnddo killohilleemi. Attheenehi naamaka mitolo ddahu dda tirigu m'matani. Nimakaka ddiiddo, mutolwaaka wahiimella. Vano mitolo ddanyu ddahaapheella mutolwaaka ddikokhorille.”

Hankoni nimwiiphe, mutembwaaye niwuvokhelle mu emodda mwa ehime ddiri mvanndda. Niye nallote wi oottakhuniwa ni enama yawoopiha nave nineerewoona mmo onaakhallelle ottaphullella wa olloha waye wulle.”

Nave vano amalonda amodda yaviriiwa vaavo, asinnaayo yaamukhumiha Yosefe mwiihimeni mulle nave emukulliha wa amalondaayo va mutengo wa makobiri asiliva makhumi meelli. Nave amalondaayo yaayaana Yosefe o Iguputo.

Mwawiiwanana yaallota wi, “Ngamooneni namalloha anawa mvooyo!

Nave asinnaalle yamoonilliiwa awaaka voorekama, ahinaatamelle naari vang'ono ophiya yaariiwamvo, yahiiwanana wi emwiiphe.

Nimuvokhelle mwiihimeni yoohikhalla ni maaddeella ochipululuni weewuno. Nihimuphoriihe naari vang'ono iyaayi.” Rubeni yoolingaaye yaari yawi amuvulluse Yosefe m'mattani mwiwa nave amuhokolloselle wa attiitthinnya.