Populaire Bijbelverzen uit Eksodo 2

Deel

Mulluku ahiiwa okhuwa wiwanko nave ahuupuwella echipanganwaaye apanganilleeye ni Abrahamu, Isaki ni Yakobo. Sika Mulluku aawoona Aisraelaayo nave aamoriwa ethakaraka.

Viviralle enthawi yoorekama wunchichi mwene a o Iguputoolle aakhwa. Nave Aisraelaalle yaavirellella winlla ekaamba ya okaporwiiwoolle nave yaakhuwa wi ekaviheriwe, sika okhuwa wiwa wahiiweya wa Mulluku.

Mwaanoolle unnuwalle aamuvelleella wa mwaana a Farao nave mwaanooyo aatthattuwa akhalla aaye. Mwaana a Faraooyo aamuvaha mwaanooyo nnddina nawi Mose ekaamba yawi aallota wi, “Kaamuruulla m'maaddini.”

Vano mwaana a Faraoolle aamulleella mutthiyanooyo wi, “Mukuseni mwaanoolla mwakaamwihelle nave kineerewuullivellani.” Sika mutthiyanooyo aamukusa mwaanooyo, anamwaamwiha.

Enthawi emodda, mwaana aamutthiyana a Farao aaya omuhinjeninko wi ahape nave akaporwaaye aatthiyana yeeta mukhwipi mwa muhinje mulle. Vano olliye ahoona mutaangoolle mupangonimmo, amuruma kaporo mmodda wi awukuse.

Nllapo nimodda Mose unnuwalle, aaya wa athu a mutundwaayaalle nave ahoona yaapharihelliiwa mutteko mwa ekuku. Aamoona Muiguputo mmodda amuukuthaka Muheberi, mmodda mwa athu a mutundwaaye. Vano Mose awehille nngu ni nngu nave oonille wi khawuri athu, aamwiipha Muiguputooyo, avuhella mutembwaaye m'mihavani.