Populaire Bijbelverzen uit Jøøn 16

Deel

Man en a caana jïïu, nee bëët-mëër nee jootu baŋa. Uuni, gïï mo leth ojwørru yi pinyi en. 'Ba magu cwïnynyu, kiper piny yaa nø böötö.»

'Ba kanyo ö Jwïëc Jwøki ni wø cïp adïëri, moa näk adïëri bëët onyoodhe jïïu. Kiper eni bäŋ gïn mo caane ki wïïe keere, 'ba man wäro wïnynye beeye noo caane. 'Ba japo tägi yi nyïm, ocaane jïïu.

'Ba kawaane poot bäŋ gïn mo you pëënynyö ki nyeŋŋa. Pëëu, ocïp jïïu, nee met ec maru kääthe.

'Ba kawaane a cäänna uuni ka adïëri, ni doo beerra eni jïïu ki man aa. Kiper ni näk maa ba aay, Dïkunyi ba ö baŋu. 'Ba ni näk maa aay, eni ojääŋŋa baŋu. 'Ba noo ööe, gïïa bac jø pinynyi onyuth geni, ki bëënynyö, ki ŋøl luup.

'Ba ennø, beeye kar pänh cwïny maru, 'ba uuno cäŋa neennø, ni ö cwïnynyu ni mïnge, ni bäŋ dhaanhø mo raany met ec maru këët. 'Ba dïcäŋöca bäŋ gïn mo pëënynyu a ki gø. Adïëri møn, a caana gø jïïu, ni gïn wäro pëënynyu Wuuö ki gø ki nyeŋŋa, ocïbe jïïu.

Adïëri møn a caana gø jïïu, ni uuno jwöŋi ni dhööŋŋu kööthu, 'ba jø piny yïthge omïnni. Uuni cwïnynyu opädhi, 'ba pänh cwïny maru oløk na met ec.