Populaire Bijbelverzen uit Yohanise 10

Deel

Kaysoy esume e yoonesi kaysese, shufesaara baysesaarako. Tanimay yoodosi yeso u degexoronikiyara uddi ogena bidzoni facete keenguwa yeso u keemoronikiyarako.

Modhe yeemaxi tambako. Modhe yeemaxi be yesoko be doritume hissine garsi e inge.

Ta doriti ta kato u siine, tanini uso erako ere. Usini ta geedeko taara wolko u hange.

Koolo makkina u yesoronike ta mahe, koolo makkina bayese danda'uttuwasso. Uso ooneni ta kuchiyafa shoddi ekkuwasso.

Sumay tambako, taakona gelesi loolako e loole. E gele e kese, essaaka be yeemutte modhe godoni e degexe.

Modhe yeemaxi tambako. Tani ta dorita ere, ta doritini taa ereydiko.

Uso taase inda nuwadey uddime garoko e gare. E kuchiyafa ooneni uso shoddi efese danda'uwasso. Taara nuwadiyaray bidziko>> yeydi e hido.

Nuwadey tamba erenikiyara tani nuwade erenikiyarako tani uso ere. Tani ta doriti gishako tamba haybose garsi inge.

Tamba ta eehana garsi ta ingesa baaka tamba ta ingoronike osana mahesi baasso. Tamba garsi ingesaara sekke ta yesoronike taa mahesaara adeto keemako ta keenge. Ha woosso ta ettosi nuwadekofako>> yeydi e hido.

Hinne Yesuusay sekke <<Hinuse ta ohesi afetto adeko. Doriti essaanna gele sumay tanko.

Dorita anbaxhena yeengesi sudhami yoosune be beene woggaaka <<Ha esi taasuko>> hidi yeengesa be maaquwa gisha dattiko dhaddi e woxhe. Sudhamini dorita shoddi e ekke, ye doritini u budutte.

Sekkeni Yesuusay <<Hinuse ta ohesi fetto aadeko. Doriti anxa sumaanna maaquwasa fede ogena gelesi kaysowara fuulowarako.