Populaire Bijbelverzen uit ወንጌል ዘማቴዎስ 4

Deel

ወአውሥአ እግዚእ ኢየሱስ ወይቤሎ ጽሑፍ «ከመ አኮ በኅብስት ክመ ዘየሐዩ ሰብእ አላ በኵሉ ቃል ዘይወፅእ እምአፉሁ ለእግዚአብሔር።»

ወእምዝ ይቤሎ እግዚእ ኢየሱስ ሑር እምድኅሬየ ሰይጣን ጽሑፍ ለእግዚአብሔር አምላክከ ትስግድ ወኪያሁ ባሕቲቶ ታምልክ።

ወአውሥአ እግዚእ ኢየሱስ ወይቤሎ ካዕበ ጽሑፍ «ኢታመክሮ ለእግዚአብሔር አምላክከ።»

ወእምዝ ወሰዶ መንፈስ ለእግዚእ ኢየሱስ ገዳመ ከመ ይትመከር እምኀበ ዲያብሎስ። ወጾመ አርብዓ መዓልተ ወአርብዓ ሌሊተ ወእምድኅረ ዝ ርኅበ።

ወይቤሎሙ እግዚእ ኢየሱስ ንዑ ትልዉኒ ድኅሬየ ወእሬስየክሙ ትኩኑ መሠግራነ ሰብእ። ወበጊዜሃ ኀደጉ መሣግሪሆሙ ወተለውዎ።

ወእምይእቲ ዕለት አኀዘ እግዚእ ኢየሱስ ይስብክ፥ ወይበል ነስሑ እስመ ቀርበት መንግሥተ ሰማያት።