Populaire Bijbelverzen uit मत्ती 19

Deel

यीसु अपने चेलन कइती देखिके कहिन, “मनइन से त इआ नहीं होइ सकय, पय परमातिमा से होइ सकत हय; काहेकि परमातिमा सब कुछ कइ सकत हें।”

इआ कारन से अब ऊँ दोनव जन दुइ नहीं, बलकिन एकय तन आहीं। एसे जिनहीं परमातिमा जोड़िन हीं, उनहीं मनई अलग न करँइ।”

तब यीसु उनहीं जबाब दिहिन, कि “का तूँ पंचे पबित्र सास्त्र माहीं नहीं पढ़े आह्या, कि जउन उनहीं बनाइन हीं, त ऊँ सुरुआतय से मेहेरिआ अउर मंसेरुआ के रूप माहीं बनाइन रहा हय? अउर कहिन तय, कि ‘इआ कारन से मनई अपने महतारी-बाप से अलग होइके अपने मेहेरिआ के साथ रही, अउर ऊँ पंचे दोनव जने एकय तन होइहँय।’

तब यीसु उनसे कहिन, कि “लड़िकन काहीं हमरे लघे आमँइ द्या, अउर उनहीं न बरजा: काहेकि जे कोऊ छोट लड़िकन कि नाईं अपने काहीं नम्र बनइहँय, उँइन परमातिमा के स्वरगराज के भागीदार बनिहँय।”

देखा, जे कोऊ इआ संसार माहीं खुद काहीं सगलेन से बड़ा मानत हें, ऊँ पंचे स्वरग माहीं सगलेन से छोट माने जइहँय, अउर जे कोऊ इआ संसार माहीं खुद काहीं सगलेन से छोट मानत हें, ऊँ पंचे स्वरग माहीं सगलेन से बड़े माने जइहँय।”

अउर जे कोऊ अपने घर-दुआरन, भाई-बहिनिन, महतारी-बाप, लड़िकन-बच्चन, अउर खेत-पातन काहीं हमरे नाम के खातिर छोंड़ि दिहिस ही, त ओही इनखे बदले माहीं सव गुना मिली; अउर उआ अनन्त जीबन के बारिसदार होई।

तब यीसु उआ मनई से कहिन, कि “अगर तूँ सिद्ध बनँइ चहते हया, त जा, जऊँ कुछ तोंहार धन-सम्पत्ती ही, ओही सब बेंचिके गरीबन माहीं बाँटि द्या, अउर तोहईं स्वरग माहीं एसे बढ़िके धन-सम्पत मिली, अउर आइके हमरे पीछे चला।”

तब यीसु उआ मनई से कहिन, “तूँ हमसे निकहा काम के बारे माहीं काहे पुँछते हया? काहेकि केबल एकय हें, जउन निकहे हें, पय अगर तूँ अनन्त जीबन पामँइ चहते हया, त हुकुमन काहीं माना करा।”

अउर इहय बात हम तोंहसे पुनि कहित हएन, कि “परमातिमा के राज माहीं धनी मनई के पहुँचब खुब कठिन हय, बलकिन सूजी के छेंद से ऊँट के निकर जाब, एसे सरल हय।”

अउर हम तोंहसे इहव कहित हएन, कि “जे कोऊ अपने मेहेरिआ काहीं ब्यभिचार के अलाबा अउर कउनव दुसरे कारन से छोंड़िके, दुसरे मेहेरिआ से काज करत हय, त उआ ओखे साथ ब्यभिचार करत हय; अउर जे कोऊ उआ छोंड़ी मेहेरिआ से काज करत हय, त उहव ब्यभिचार करत हय।”

तब यीसु अपने चेलन से कहिन, कि “हम तोंहसे सही कहित हएन, कि धनी मनई के परमातिमा के राज म प्रबेस करब कठिन हय।”