Populaire Bijbelverzen uit Sɩngre 17

Delen

A Abram sẽn wa n tar yʋʋm pis-wɛ la a wɛ, Sẽn-Ka-Saab puka b meng ne yẽnda, n yeel-a yaa: «Mam yaa Wẽnnaam Sẽn-Tõe-Fãa! Bɩ f tũ maam ne burkĩndi.

B ka na n leb n bool foom t'a Abram ye. B na n boola foom t'a Abrahaam. Bala, mam kɩtame tɩ fo lebg buud wʋsg ba.

Mam na n vigla m kaoolã ne foom, la ne fo yagensã sẽn na n wa pʋgl foom n wa wã, zamaan woo zamaane. Na n yɩɩ kaool sẽn paad wakat sẽn kõn sa. Woto yaa sẽn wilgd tɩ mam na n yɩɩ foom ne f yagensã sẽn na n wa fo loogr zugẽ wã Wẽnnaam.

«Sã n yaa ne maam, ad kaool ning sẽn na n zĩnd foom ne maam sʋkã! Fo na n lebga buud wʋsg ba.

La Wẽnnaam yeela a Abrahaam yaa: «Ka na n yɩ woto ye! Yaa fo pag a Saara n na n dog bi-ribl n kõ-fo, tɩ f pʋd a yʋʋr t'a Izake, sẽn dat n togs t'a ‹laado›, la mam na n vigla m kaoolã ne yẽnda, la yaa wakat sẽn kõn sa yĩnga. La yaa yẽnda ne a yagensã yĩnga.

Mam na n kõo foom ne f yagensã sẽn na n pʋgl foom f loogr zugẽ wã Kana soolmã. Yaa soolem ning fo sẽn yaa sãan a pʋgẽ wã, la mam na n kõ-f tɩ f soog wakat sẽn kõn sɛ yĩnga, la mam na n kell n yɩɩ bãmb Wẽnnaam.»

La a Abrahaam yĩgimdame, n fõgen a neng tẽng n la, bala, yẽnda rag n tagsda a sũurẽ n yetẽ: «Rẽ yĩnga, mam sẽn yaa nin-kẽem sẽn tar yʋʋm koabgã, tõe n leb n doge, bɩ a Saara sẽn tar yʋʋm pis-wɛ wã, n tõe leb n dog biiga?»

Wẽnnaam leb n yeela a Abrahaam yaa: «Ade, fo pag a Sarayi yʋʋr ka na n leb n yɩ a Sarayi yɛs ye. Yẽnda yʋʋr na n lebga a Saara.

Bãongã kẽesg na n yɩɩ kaoolã bãnde, maam ne yãmb sʋka.

La sẽn kẽed ne mam kaoolã wɛɛngẽ, yaa ne a Izak sẽn yaa bi-ribl ning fo pag a Saara sẽn na n dog vẽer woto wẽndã la m na n vigl-a.»

Zamaan woo zamaan fãa, yãmb bi-ribl sã n wa tar rasem a nii, bɩ y kẽes-a bãongo. La a tog n yɩɩ woto me ne kom-dibli nins fãa sẽn dog fo zakã pʋgã, la ne yembs nins fo sẽn da ne ligd tɩ b yaa sãamb n ka yãmb buudã nebã. Neb nins fãa sẽn be fo zakã pʋgã, la ne yembs nins fãa fo sẽn da ne ligdã tog n kẽe bãongo. Dẽ, mam kaoolã bãnd na n bee yãmb yĩngã zugu. La a na n yɩɩ kaool sẽn paad wakat sẽn kõn sa.