Populaire Bijbelverzen uit Sélimɛ 6

Deel

A Yawe gi nyaa woro da caà yɛlɛ bi syɔɔn faan naa tári na í. A gi tɔ̀nɔ n pye wi ma funbɛɛnrɛ.

A Yawe baa gi nyaa syɔɔn péemi n tɔ̀nɔ n kpɔ́ʔɔ tári na n baa sɔ̀lɔ, á wi fúngi sɔ̀ngurɔ myɛ kòro kapeebyeri na canʔa o canʔa.

Kàjáa Kolocɔlɔɔ maa kacànna pye Nowe na.

Nowe yòdaʔayi yi nyɛ yee naa. Nowe maa pye syɛɛnsiɔn. Wi maa pye kajoolo fun syɔ́ɔn wi lǎli syɛ̀ɛnnɛ nínge ni. Nowe maa pye pínɛnyɛnnɛgɛ na ní Kolocɔlɔɔ ní.

A Yawe jo: «Syɛ́ɛnbèle mii faan lè, mii a be pɛ́ɛ láʔa tásaligi na, poro ní yaweeri, ní yáriree di fulolo lè n fàra féjɛɛnri na. Níì cán mii n gi nyaa mii da caà yɛlɛ bi be faan í.»

Lǎli ni syɛ́ɛnbèle séli ni nɛʔɛgi lè tári na, á be wɔ́ɔ i calipiigèle sii be ma, lǎli bee ni a Kolocɔlɔɔ pìíbèle i syɛ́ɛnbèle cálipiigéle wéle n gi nyaa ke n tɔ̀nɔ n nyɔɔ. A be si ge kèle nyɛ́nɛ n wòlo n pye be càbala. Lǎli bee ni a Yawe jo: «Mii pǐli ga yɛlɛ bi kòro ní syɔɔn ní làla o làla í. Níì cán wi i nyɛ cere. Wi sìíw yɛ̀ʔɛlɛ myɛ kánma a pye togoye kɔrɔni.» Lǎli ni Kolocɔlɔɔ pìíbèle ba ni sìnɛ́ ní syɛ́ɛnbèle cálipiigéle ní ni pìíbèle sii be na lè, lǎli bee ni a nàndɔnɔ-tèleye pye tári na, àlí lǎli bee kàdoʔo ma, a pìíbèle bee pye booma nanniriyi yi pye lè ní fànʔa ní. A yi mɛ́ɛyi wɔ́ɔ̀ yiri gbanʔama.

A Nowe gee bee kpéʔele. Wi n ki myɛ kpéʔele n yɛlɛ ní gi ní àmɛɛ Kolocɔlɔɔ da gi joo n gbàn wi ma lè.

Lǎli bee ni a Kolocɔlɔɔ gi joo Nowe ma níì jo: «Mii n gi kɔ̀rirɔ n tímana bi syɔɔn ye myɛ kwɔ́ɔ láʔa yaà. Níì cán be péemi kèlē n tári nyìn. Mii si a be pínɛ kálagi ní tári ní.

Ki n yɛlɛ mɔ í kɔ́rɔkpɔʔɔ sámaga miyɛɛ wóʔo ní gofɛɛri tíire ní, mí kɔ́rɔkpɔɔgi bee tíla tíla kpaafunyo mí tári kùraa tɛ́ʔɛ mi gi pɔ̀li fúngi, ní kàdogi na.

A Kolocɔlɔɔ tári wéle n gi nyaa ti n tɔ̀nɔ n kálagi. Níì cán syɛ́ɛnbèle myɛ nàʔama maa pee tári na.

Mɔ a wɔ́ɔ yaweeri féleye myɛ lége kɔ́rɔkpɔɔgi ni siin-ziin, nàɔn ní cɔlɔɔ, koro ga pye ti wɔ́ɔ kòro sìi na ní mɔ ní.