Populaire Bijbelverzen uit Taruparea̧ Ma̧ȩ 9

Deel

Ado ji̧dë u̧i̧ yo̧mȩrȩ ja̧di ta̧rëri̧ a̧de ni̧bä chjaorëremȩdejȩrȩ: —Ado danȩrȩ, cüdë dibë ma̧ȩ yürë cji̧däa̧ ma̧ȩ üdë bucho ana̧mȩ ma̧ȩde. Tjamo̧ davä. Cüdë cjo̧ro̧ji̧ri̧ chjö̧na̧i̧ oa ma̧ȩ yürë cji̧däa̧ ma̧ȩ üdë badëpe jädëmȩ ma̧ȩde. Ado pio ju̧i̧ chjiari chjadëri̧ na̧rȩpea̧ oa, jabechji̧ na̧rȩrea̧ yürüparequededibe. Jabechji̧ jochebürüri pio ju̧i̧ cji̧däparequede a̧dëräpȩ. Cüdë dibë ma̧ȩ yürüa̧ ma̧ȩ pio ju̧i̧ chjiari chjadëri̧ na̧rȩpea̧ oa cji̧däpareconȩ.

Aja̧, cüdë jochebürürirë cjitëmȩ oa darä, jabechji̧ chjadëri̧ jo̧rȩtaparequede davä cüdë ma̧ȩ yürë cji̧däa̧ ma̧ȩ pio ju̧i̧, bucho ana̧ cjiamȩ ma̧ȩ pio ju̧i̧. Aja̧, chirirä cjo̧ro̧ji̧ri̧ chjö̧na̧i̧däräti̧ oa ma̧ȩ yürüa̧ ma̧ȩ pio ju̧i̧ jo̧rȩtaparequede.

Ütë tjamo̧ pio judimi̧ darë pareapea̧ oa cjiarëremȩde pumȩ judi. Ja̧di tara yo̧requededibe: Eami̧ pumȩrȩ ado cja̧rȩmo̧ pumȩ oa ja̧bo tänȩmȩ pio judi, jabechji̧ bapë ja̧bo tänȩpea̧ maeade. Jabechji̧ pumȩ pio judiro̧ ja̧bo tänȩa̧ oa ja̧bopade jibëa̧ pumȩ pio ju̧i̧ ja̧bo tänȩa̧ ba oa.

Ja̧dëa ji̧ Ütë tjamo̧ judi ma̧ȩ yürürëremȩdejȩ Noe pio ju̧i̧, jibëa̧ u̧ri̧ pio ji̧ri̧bo. Judiro̧ chjadëri̧ cjo̧ro̧pea̧ ma̧ȩ oa ma̧ȩ yürürëremȩdejȩrȩ, ja̧di ta̧rëri̧ yo̧mȩrȩ: —Danȩrȩ, no̧i̧dëchji̧vä. Goë jeji̧ra̧pe bagachji̧vä chiri nö̧ta oa, chjuchjupechä cjo̧ro̧rea̧mi̧ dari̧.

Ado mȩnȩro̧ ja̧di dari̧ juradërërea̧ ji̧, jabechji̧ mȩnȩro̧ jurapea̧ oa yürürequededibe yaba̧. Jabechji̧ böa oa, ipurimȩchja oa, toyae oa, igärä oa, ariguri oa, chjido oa, puri oa, datutumi̧ oa, chiruri oa, pua oa, cho̧ oa, chirirä cjo̧ro̧ji̧ri̧ chjö̧na̧i̧däräti̧ oa yürürequededibe mȩnȩro̧ chjadëri̧ jurapea̧ oa. Danȩrȩ, jurarea̧ chiamȩ to ji̧ra̧ oa yürürëremȩrequededibe pearä judi. Ado yaba̧, mȩnȩro̧ go̧a̧ pio ju̧i̧bo chjadëri̧ jurapea̧ oa yürürequededibe. Jabechji̧ chirirä cjo̧ro̧ji̧ri̧ chjö̧na̧i̧ti̧ oa yürürequededibe yaba̧ jurapea̧ oa.

Ado danȩrȩ, yaba̧, chirirä cjo̧ro̧ji̧ri̧ judiro̧ chjö̧na̧i̧däräti̧rȩ uape uape da mapadiro̧dibe, coë jäji̧ri̧borë. Ado pua chjö̧na̧i̧ti̧rȩ peaja̧di uape uape da mapadiro̧dibe, uiräji̧ri̧borë. Pio cüdë tänȩa̧ oa dibëa̧ chja̧oerä cjo̧ro̧ mapadirȩ uapaji̧ri̧rȩ.

Ado yaba̧ ado chjereno̧ yo̧requededibe. Jabechji̧ no̧i̧dë tjamo̧chji̧vä goë jeji̧ra̧pe järea̧mi̧ dari̧. Pumȩ buba tjamo̧pe järea̧mi̧ dari̧ nö̧richji̧jȩrȩ dibëa̧ bori̧ ji̧ri̧ mȩnȩro̧ chiriräpȩti̧ oa chjuchjupechä cjo̧ro̧rea̧mi̧ dari̧ —yo̧mȩrȩ ma̧ȩ yürürëremȩdejȩrȩ chara ana̧ri pio judiri go̧dürëreji̧ri̧ pio ji̧ri̧ Ütë tjamo̧ judi.