Populaire Bijbelverzen uit Jan 6

Deel

Jézi di yé: “A mo ki sa dipen ka bay lavi-a, sala ka vini jwenn mo péké janmen fen, é sala ka krè an mo péké janmen swèf.

A Lèspri Bondjé ka bay lavi, lachè pa pouvé fè sa. Palò mo di zòt-a ka vini di Lèspri Bondjé ka bay zòt lavi.

Pa travay pou manjé ka gaté, mé travay pou manjé ka bay lavi pou tout tan, é a sa lavi-a Pitit wonm-an ké bay zòt; piski a li Papa bay pouvwè.

Volonté mo Papa, a ki nenpòt moun ki wè Pitit wonm-an é ki krè an li, gen lavi pou tout tan, é mo ké résisité l dèrnyé jou-a.”

Jézi réponn: “Sa Bondjé lé zòt fè, a ki zòt krè an sala i voyé-a.”

Tout moun Papa-a ka bay mo ké vini jwenn mo, é mo péké janmen mété sa ka vini jwenn mo-a dèrò

Simon Pyèr réponn li: “Mèt, ki moun nou pouvé swiv? A to ki gen palò ka bay lavi pou tout tan.

Mo sa dipen lavi ki désann di syèl-a. Sala ka manjé sa dipen-an ké gen lavi pou tout tan, é dipen mo ké bay pou tout moun gen lavi, a mo lachè.

Pésonn pa pouvé vini jwenn mo, si Papa-a ki voyé mo-a pa mennen l, é mo, mo ké résisité li dèrnyé jou-a.

Piski dipen Bondjé ka bay, a sala ki désann di syèl-a é ki ka bay tout moun lavi.”

Mo sa dipen ki ka bay lavi-a.

Jézi pran dipen-yan, li di Bondyé mèrsi, li bay tout moun ki té asiz. Menm fason-an, li bay yé kantité poson yé té lé. Lò yé vant té plen, li di so disip: Ramasé larèstan pou anyen pa pédi.

Yé té ja pagayé senk a sis kilomèt konran, lò yé wè Jézi ka maché ansou lanmè-a, li té ka vini ansou yé; a pa ti pè yé té pè. Jézi di yé: “Pa pè, a mo ki la.”