Populaire Bijbelverzen uit मत्ती 3

Deel

इसतांई खरे कम्म करी नैं सबूत देआ कि तुहां सच्च बिच्च अपणा मन पापां ते बदली लेआ ऐ।

कने दिक्खा, सुअर्गे ते परमात्मैं एह़ ग्लाया, “एह़ मेरा प्यारा पुत्तर ऐ, जिस नैं मैं प्यार रखदा ऐ, कने जिसते मैं बड़ा भरी खुस ऐ।”

कने यीशु बपतिस्मा लेई नैं झट पांणिये ते बाहर आया, कने दिक्खा तिस तांई सुअर्ग खुली गेआ, कने तिन्हीं परमात्मे दिया आत्मा जो कबूतरे साइआं लौदें कने अपणे ऊपर ओंदे दिख्या।

“मैं तां तुहां जो पांणिये च मने बदलणे दा बपतिस्मा दिंदा ऐ, अपर जेह्ड़ा मेरे बाद ओणे आल़ा ऐ, सैह़ मिन्जो ते बड़ा सामर्थी ऐ। मैं तिसदियां जुतियां चुकणे जोग्गा भी नीं ऐ, अपर सैह़ तां तुहां जो पवित्र आत्मा कने अग्गी नैं बपतिस्मा दिंगा।

हुण गल्ल इआं कि परमात्मा हर इक्की जो जेह्ड़ा मने जो नीं बदलणा चांह़दा, तिसियो सज़ा दैणे तांई बिलकुल त्यार ऐ। ठीक तिंआं ई जिंआं कि कुआड़ी रूखां दियां जड़ा पर रखियो ऐ, इसतांई जेह्ड़ा-जेह्ड़ा रूख खरा फल़ नीं दिंदा, सैह़ बड्डी करी अग्गी च फूकेया जांदा ऐ।

एह़ सैई ऐ, जिसदे बारे च यशायाह भविष्यवक्तैं ग्लाया था, “सुनसाण जगाह च इक्क हक्कां पाणे आल़े दी उआज़ सुम्मां दी, कि प्रभु तांई लोकां देयां मनां जो त्यार करा, कने अपणे आप्पे जो सुधारा।”