Populaire Bijbelverzen uit मत्ती 13

Deel

जेह्ड़ा बीई खरिया जमीना च बाया, एह़ सैह़ माणु ऐ, जेह्ड़ा वचने जो सुणी नैं समझदा ऐ, कने सैह़ फल़दा ऐ; कोई सौ गुणा; कोई सठ गुणा, कने कोई तीई गुणा।”

जेह्ड़ा बीई झुड़ां बसुन्टां च बाया, एह़ सैह़ माणु ऐ, जेह्ड़ा वचन तां सुणदा ऐ, अपर इस संसारे दी फिकर कने धन दौलता दा धोखा वचने जो दब्बी दिंदा ऐ, कने सैह़ फल़दा नीं।

जेह्ड़ा कोई परमात्मे दे राज्जे दा वचन सुणी नैं नीं समझदा, तिसदे मने च जेह्ड़ा कुच्छ बाया था, तिसियो सैह़ सैतान आई नैं खोई लेई जांदा ऐ। एह़ सैई बीई ऐ, जेह्ड़ा बांदे बग्त रस्ते पर पेआ था।

कने जेह्ड़ा पथरीलिया जमीना पर बीई बाया, एह़ सैह़ माणु ऐ, जेह्ड़ा वचन सुणी नैं तिसी बग्त खुसिया नैं मन्नी लैंदा ऐ। अपर अप्पु च जड़ नीं रखणे दिया बज़ाह ते सैह़ थोड़े ई दिनां दा ऐ, कने जाह़लू वचने दिया बज़ाह ते मुसीबत या दुख हुंदा ऐ, तां झट ठोकर खांदा ऐ।

“सुअर्गे दा राज्ज जमीना च छुपेयो खजाने साइआं ऐ, जेह्ड़ा कुसकी माणुये जो मिल्ला कने जमीना च छुपाई दित्ता, कने खुसिया दे मारे जाई नैं अपणा सब कुच्छ बेची दित्ता कने तिसा जमीना जो खरीदी लेआ।”

अपर कुच्छ बीई खरिया जमीना पर पै, कने फल़ लेई आये, कोई सौ गुणा, कोई सठ गुणा, कने कोई तीई गुणा।

बडणे तिकर दून्नी जो इक्क सौगी बढ़ूणा देआ, कने बडणे दे बग्त मैं बडणे आल़ेआं नैं ग्लांगा कि पैहल्ले जंगली दाणे दे बूटेयां बटीणी नैं फूकणे तांई तिन्हां दे पूल्ले बन्नी लेआ, कने कणकां दे दाणेयां जो मेरे पेड़ूये च कठ्ठेरा।’ ”