Populaire Bijbelverzen uit Juwau 3

Deel

“Thangwi Mulungu afuna dziko, mbafikira kupereka Mwana wace m'bodzi basi, toera ale onsene anantawira aleke kufa, mbwenye akhale na upulumuki wakukhonda kumala.

Thangwi Mulungu atuma Mwana wace pa dziko, si kuti adze katonga miseru ya dziko tayu, mbwenye toera dziko ipulumuswe na Iye.

Yezu antawira tenepa: “Ndimo mwene, ndimo mwene ndisakupanga kuti: Nkhabe m'bodzi anakwanisa kuona Umambo wa Mulungu, angakhonda kubalwa kapsa.”

Ule anantawira nkhabe kutongwa, mbwenye ule anakhonda kuntawira amala kutongwa kale, na thangwi yakukhonda kutawira kwace dzina ya Mwana m'bodzi basi wa Mulungu.

Kutongwa kwace ndi uku: Cieza cabwera pa dziko, mbwenye anthu afuna cidima mbakhonda cieza, thangwi mabasa awo akhali a kuipa.

Pisafunika kuti Iye akuzwe, ine ndicepeswe.

Ule anacita pyakuipa asazonda cieza, pontho nkhabe fendedza pa cieza, gopa mabasa ace anaonekera pakweca.

Ule anatawira Mwana, ana upulumuki wakukhonda kumala. Mphapo ule anakhonda Mwana, nkhabe kudza kaona upulumuki, mbwenye kuipirwa kwa Mulungu kunakhala na iye.”

Sawa-sawa ninga Mozesi alamusa nyoka n'thando, tenepa pisafunikambo kuti Ine Mwana wa Munthu ndilamuswembo

Baba asafuna Mwana wace mbampasa pyonsene m'manja mwace.