Populaire Bijbelverzen uit John 6

Deel

Jesus see hɔn dɛ, Emi nye nkwa paanoo no: nyia ɔba mo hɔ no, ɔkɔm nnkɛdze no da, na nyia ɔgye me dzi no nsukɔm nnkɛdze no da.

Sunsum nye dza ɔma nkwa, mfaso biara nnyi honam mu: nsɛm a maka akyerɛ hom no yɛ sunsum, na ɔyɛ nkwa.

Mma hom nnyɛ edwuma wɔ edziban a ɔsɛɛ ho, na mbom hom nyɛ wɔ edziban a ɔtsena hɔ kodu onnyiewiei nkwa mu a nyimpa Ba dze bɛma hom no ho; na ɔno na Egya Nyankopɔn asɔw n’ano.

Na iyi nye m’Egya ne pɛ, dɛ obiara a ɔhwɛ Ba no na ɔgye no dzi no, onnya onnyiewiei nkwa, na mebɛma no do wɔ da a odzi ekyir no mu.

Jesus buaa hɔn dɛ, Iyi nye Nyankopɔn edwuma, dɛ hom bɛgye nyia ɔnoara somaa no no edzi.

Dza Egya no dze ama me biara bɛba mo hɔ; na nyia ɔbɛba mo hɔ no moronntow no nnkyen da

Simon Peter buaa no dɛ, Ewuradze, woana hɔ na yɛbɔkɔ? Ɔwo na ewɔ onnyiewiei nkwa ho nsɛm

Emi nye paanoo tseasenyi a ofi sor sianee bae no; sɛ obi dzi paanoo yi bi a, ɔbɛtsena ase daa; na ampaara paanoo a medze bɛma nye mo honam wɔ wiadze nkwa ntsi.

Obiara nntum mmba mo hɔ, gyedɛ Egya no a ɔsomaa me no twe no, na mebɛma no do wɔ da a odzi ekyir no mu.

na Nyankopɔn paanoo nye nyia ofi sor sian ba na ɔma wiadze nkwa no.

Emi nye nkwa paanoo no.

Na Jesus faa paanoo no nye esunam no na ɔdaa ase no, ɔkyɛe maa hɔn a wɔtsetse hɔ no, dɛ dodow biara a obiara hia. Na wɔmee no, ɔsee n’esuafo dɛ, Hom mboaboa mporoporoba a ɔaka no ano, amma biribiara aannyɛ gyan.

Na wɔkwaan bɛyɛ akwansimba eduonu enum anaadɛ eduasa no, wohun Jesus dɛ ɔnam po no do, na ɔrotwe abɛn hɛn no, na wosuroi. Na ɔsee hɔn dɛ, Mara a, mma hom nnsuro.