Populaire Bijbelverzen uit Kejadian 1

Deel

Pobuk Allah en e, disogo egei, “Nis en aphwami nis nenebe ’gela’ge, nenebabut ’gela’ge, logon walhul. Asogo walsogo onoboma re, is en, di hiane yu hiane ik laut ye’gelakma welema a’ge emin, di tue yu tue ’bogorl hwerli ’belak o’gwe ’burl darak no’gulema a’ge emin, di a’ge yu a’ge il ena a’ge il maro a’ge ebe lok a’ge emin, wei a’ge emin, ’berlegat is ene’gik pam welemagoluk walhul o,” oluk egei. Asogo egeirik, aphwami enebe at ebe ’gela’ge ap emin, hwe emin, walentesi.

Asogo walentesirik, mu’gat enebam wusogo pogwi ai ’gela’ge, disogo mo’gulentesi, “His en dogo’gwe a’ge o ’gwiangma yema di owi yu owi eiye emarik is ene’gik pam welemagoluk, henebe a’bik seik-’beik agalat di hiane yu hiane emin, di tue yu tue emin, di a’ge yu a’ge logon il ena a’ge, il maro a’ge, ’berlegat his eiye wolomup o.

Edip pam Allah en e, ’bogorl ebe emin, ’gwiang ebe emin, walhesi.

Walhesi ai re, ’bogorl ’gwiang agauwak hwelak erlak, we yogunat ik nal-paltak welat, di a’ge yu a’ge modok mesikmu la’bulik oruakma re, o modok hiktagat welaga. Asogo oruakma, Allah Arogun ik ogum petne lang ’balil nese laga. Asogo neselat, we yogunat oruakma re, sum werelogwi ai ’gela’ge, agauwak hwaligoluk tegei.

Asogo tegeirik, at en e, disogo egei, “O dakha in o,” oluk mo’gulesimu, arat o dakha egei.

At Allah en di a’ge yu a’ge ai ’berlegat walhesirik, il holuk e, “Eba re, op modok walsogo pegi hegi o,” oluk egei. Asogo egeimu en, o agauwa hebarlik ’gela’ge hup agarik e, dakha egei ai o.

Asogo dakha egeimu re, Allah il hesirik e, “Ai re, obat walsogo pegi hegi o,” oluk egei. Asogo egeirik, o dakha egeimu re, o dakharak a’ge ai, o hiktak a’ge ogola en wokho ematekma pesi.

Ye, honso’boru no’gu lorogup a’ge re, di e’gela yu e’gela, di agan yu agan, ogun a’ge e’gen ebe erlakma en, owi paget nak oso a’ge emin, ugwe a’ge e’gen ebe oruak holuk no’gwi a’ge emin, egesisolom a’ge eba his wokhentegis o.

Asogo pesirik, o dakha egei a’ge ai onuk, erlige, tualegei. Ye, o hiktak a’ge ai onuk, huba’go, tualegei. Asogo tualegei ai re, o agauwa naduk a’ge hup agarik e, dakha egei ai o.

Pobuk Allah en e, disogo egei, “Hat ik ai re, me’gisogo logon likho ligagalat, logon opma ’biselat, toguptik wolorogup en, ’burl hwerli werak poluk mesik wali’gogo herlage ’balemak o,” oluk mo’gulesimu arat aga. At Allah en asogo ik me’gisogo logon likho pei ligagalat, mesik opma ’belakpasulat, tegeirik, enematek-enematek at welemagoluk hwerli wusogo wale’gik pesi ai o.

Asogo a’geat de, his wam, sue, ’baik, di a’ge yu a’ge henil ena a’ge, henil maro a’ge paget honso’boru re, e’gela-herle’gela emin, owi yogo a’ge e’gela emin, wokhentegis o,” oluk mo’gulentesirik, arat wogentesi.

Pobuk Allah en e, “O dakharak a’ge ano en, ’gwiangma dakha tagalat, o hik agalat en dakha tagalom a’ge ai hwerli wusogo pasulat, o erlige ene’gik wenarogulat, mo ligom-’bugom, osokhwe tahun ene’gik wenarogulat, O eria hegit Allah paget togu lomok, oluk ene’gik wenarogulat, togu lemagoluk ’bogorl pam en mesik hebarligen emin o,” oluk mo’gulesimu, arat hebarligen aga.

Asogo egeirik, mesik disogo egei, “Hat ’gwiang en e, di e’gela yu e’gela, di agan yu agan, ogun a’ge e’gen ebe erlak owi paget nak oso a’ge emin, ugwe a’ge e’gen ebe oruak holuk no’gwi a’ge emin, ’baksogo libemak o,” oluk mo’gulesimu, arat aga.

Pobuk Allah en e, disogo egei, “Hat ik ai re, me’gisogo logon likho ligagalat, logon opma ’biselat, toguptik wolorogup en, ’burl hwerli werak poluk mesik wali’gogo herlage ’balemak o,” oluk mo’gulesimu arat aga. At Allah en asogo ik me’gisogo logon likho pei ligagalat, mesik opma ’belakpasulat, tegeirik, enematek-enematek at welemagoluk hwerli wusogo wale’gik pesi ai o.

Allah en e, “Asogo lebikpemin o,” oluk mo’gulesi hegitsogoat, ’gwiang en di e’gela yu e’gela, di agan yu agan, ’baksogo lebikpesi. Asogo tegeimu, il yethesirik e, “Ai obat walsogo pegi hegi,” oluk egei.

Asogo aga ai re, Allah en o dakharak lok a’ge ebe ’biren walhesi. Ai re, erlige logo welemagoluk, mo lok a’ge walhasulat, hup lok a’ge welemagoluk, dugwi logo a’ge walhasulat, tegeirik, logon hwesagal a’bigat walhesiat.

Pobuk Allah en e, disogo egei, “Hat ik ’bogorl opma welegen ai, ’gwiang hebarligen emarik welemagoluk e, helaruk libagalat mesikmu odoktogu lomup o,” oluk mo’gulesimu, arat aga. Asogo agama re, Allah en ’gwiang il ha’buk egei a’ge ai onuk, ’gwiang, tualiselat, ik mesikmu odoktegei a’ge ai onuk, “Ik laut ye’gelak,” tualiselat, tegei. Asogo tegeirik, il holuk e, “Ai obat walsogo pegi hegi,” oluk egei.

Allah en asogo egeirik, is ’berlegat ai re, ik ogola enelaluk wolom a’ge ai enebe a’bigat agalat, ik laut ye’gelak a’ge ogola da ya ’berlegat welat, di tue yu tue darak nosolom a’ge ai, enebe a’bigat agalat, tuagoluk, is aphwami logon en mu’gat wusogo enebam pogwi ai ’gela’ge disogo mo’gulentesi, “His henebe modok a’bik seik-’beik ip o,” oluk mo’gulentesi.

Pobuk Allah en e, disogo egei, “Hat ’gwiang hogola en di a’ge yu a’ge il ena a’ge ebe lok a’ge emin, wei a’ge emin, il maro a’ge ebe lok a’ge emin, wei a’ge emin, lebikpei suk o,” oluk mo’gulesimu, arat lebikpou waga.

Pobuk Allah en e, disogo egei, “His di a’ge yu a’ge ik ogola eba henelaluk wolorogup a’ge modok a’bigat agalat, di tue yu tue ’bogorl o’gwe darak no’gulom a’ge modok a’bigat agalat, tit o,” oluk mo’gulentesi.

Allah en asogo tegeirik, il holuk e, “Eba obat walsogo pegi hegi o,” oluk egei.