Populaire Bijbelverzen uit Yhn 6

Deel

Yesu aku ku vone: Hi mine kati dra vutomi. Lweyi ataka ku mine, angavina ndlala ni siku ni drin'we, ni lweyi apfumelaka ku mine angavina tora ni siku ni drin'we.

A Moya hi wone wuhanyisaka, a handle ka wone a mhunu anganakuyentxa ntxhumu. A maritu lawa nin'wibyelaka wone, i Moya ni vutomi.

N'wingatireleni swakuda leswi swibolaka, kambe tirelani swakuda leswi swingabolikiki, swinga leswi swinyikaka vutomi lebyi byingahelikiki. Leswi i swakuda leswi N'wana wa mhunu atakan'winyika swone, hikusa hi yene lweyi Xikwembu Nkulukumba Tatana amufungiki.

Hikolahu-ke a kurandra ka Tatana wanga, hileswaku mun'wana-ni-mun'wana lweyi alavisaka N'wana, ava apfumela ku yene, avani vutomi lebyi byingahelikiki, kutani mine nitamupfuxa hi siku dra vugamu.

Yesu avayangula, aku: A ntiro wa Xikwembu Nkulukumba hileswaku n'wipfumela ku lweyi amurumiki.

Hinkwaswu leswi Tatana aninyikaka, switata ku mine; kutani lweyi ataka ku mine, ningaka ningamutxukumeti ni siku ni drin'we.

Simoni Petrosi ayangula aku ku yene: Hosi, hingaya ku mani xana? Uni maritu lawa manyikaka vutomi lebyi byingahelikiki.

Hi mine kati ledri drihanyaka ledri drixikiki hi le Tilweni; loko mhunu ada kati ledro atahanya hi la kungahelikiki, a kati ledri nitakanyika drone, i miri yanga; nin'winyika akuva n'wiva ni vutomi.

Akuna mhunu lweyi angataka ku mine, loko Tatana lweyi anirumiki angamukokeli ku mine, kutani mine nitamupfuxa hi siku dra vugamu.

Hikusa a kati dra Xikwembu Nkulukumba hi ledri drixikaka hi le Tilweni, na drinyikaka a vutomi misava.

Hi mine kati dra vutomi.

Kutani Yesu ateka makati, kuti loko atlangeli Xikwembu Nkulukumba, ayavela vhanu lava afaka vatrhamisile; ayentxisa xiswoswo ni hi tinhlampfi, hinkwavu vada swivadringana. Loko vaxurile, aku ku vadondrisiwa vakwe: Hlengeletani mantlhantlha lawa masaliki, akuva kungatxukumetiwi ntxhumu.

Kuti loko vaweti mpfuka wa makume mabiri ni ntlhanu, kumbe makume mararu ya mamisitada, vavona Yesu na afamba henhla ka mati, atrhindrekela kusuhi ni byatrhu; kutani vatxhava. Kambe aku ku vone: Hi mine, n'wingatxhaveni.