Populaire Bijbelverzen uit MARKUS 5

Deel

Balalu Yesus kaeau ma wawei yiru, “Anakku, daya hanyu parisaya ma aku, hanyu ware! Hulu tulak anri salamat. Hanyu haut tuu-tuu ware!”

Teka ulun rama yiru naan pada erang kaulun wawei sa haut dua walas taun sakit kaluar ira sa bahubungan anri haidni. Katuluh panatauni haut galis napakai neu bayar ma kawan dokter, kude angaan uweng isa kaiyuh nyamare hanye, likan panyakitni magin batambah maham.

Hanye ngawir jubah Yesus, palus tawuk yiru pada irani taduh kaluar. Hanye kaingkam hanye haut ware.

Yesus negei tangan iya yiru balalu kaeau ma hanye, “Talita kum,” sa baarati, “Anak wawei, aku kaeau ma hanyu: ambuan!”

Tawuk Yesus magun bapaner, papire kaulun saruhan hawi teka lewu Yairus. “Anak wawei Tuan haut matei,” eau here ma hi Yairus. “Puang usah Tuan nyansara Guru lagi.” Anri puang nyanrengei inun sa naeau kawan ulun yiru, Yesus kaeau ma hi Yairus, “Ada takut, parisayaleh!”

Ulun yiru kaeau kalayiru daya Yesus kaeau ma hanye, “Roh jahat, kaluar teka ulun yiti!”) Balalu Yesus nunti ma hanye, “Hie ngarannu?” Ulun yiru nuing, “Ngaranku ‘Legiun’ – daya kami yiti rama tatuu!”