Populaire Bijbelverzen uit Matius 22

Deel

at Yesus nen, “Wene nggok, at Musa nen, Kinendainggen inom, kinobabut inom, kinakla ebeko inom, omanggiat atluk, ninombae Allah Endaganggok ebe etiat kinendainggen kunik dogoni o, yiluk yisike eti, wene ebe nggok etiat o. Nen, wene eti imbisak ndak-ndak, omanggi yi, Kit kinenggaerek kinebe kinendainggen kunik dogoligogi eti kak, it akoni amberek kinom werek mende eti kinendainggen kunik dogoni o, yiluk yisike mende nggok etiat o.

Wene at Allah nen, Yigit diluk kagatno, ndigit diluk kagatno, yiluk ninasuk wakike wene taʼbokogonat inom, wene it ap Allah wene yogisasi laguka mende nen yisuka wene taʼbokogonat inom, wene nggok mbere eta paga kunik werek o,” yiluk yisike.

Eti negen, Allah nen akoni inebe mondok dogalegat inayonggo ʼbiligogo mende, inebe mbererlagat negen pulogo ʼbiyagin o,” yiluk yogisasike.

Akoni warek mende Allah nen inilugurinabigin etinem, kumi woginakik, yiginakik, kagako dogogun mondok dek o. Mende, it malaikat mbogot oba mende dogoligogi eti kagat dogogun o.

Uang pemerintah inake ʼbusak mende etnogo nilenggen kak nen sit niyani,” yiluk yisikemo uang etnogo omanggi wogokukama, at nen “Yi ta elokonggen oba endaga kolal mbalek werek?” yiluk yogisasikemo, it nen, “Eti Kaisar at o,” yiluk yogokukama, at Yesus nen, “Kaisar mende kalok, Kaisar wogokik, Allah mende kalok, Allah at wogokik, kagako dogoni o,” yiluk yogisasikemo