Populaire Bijbelverzen uit Matius 19

Deel

at Yesus nen ilenggen it inoba ʼbiluk nen, men yogisasike, “Akoni nen kagasusak mondok erlok dek mende, at Allah nen yi mende ndi mende kagasusak erlogat o,” yiluk yogisasike.

yiluk yogisasike eti paga, inebe mbere ʼbuk, omanggiat agakasik werek o. At Allah nenat esigit diluk imbisak dambulogo ʼbiyasikemo akoni nen, perelusak mondok dek o,” yiluk yogisasike.

at Yesus nen, “Erlo paga Allah nen winamet diyasi dogolik, Ap walkigik, kwe walkigik, winamet diyasike, yiluk wene kolal mbalek etnogo endaga wenakidek werek nogo? Esigit diluk winamet diyasikesikmo wene men yogisasike, Ap nen agoya ombae togot diyalok age imbisak pano dambulik dogolik inebe mbere mende, omanggiat asugun o,”

Mberisasuka mende, at Yesus nen, “Akoni elegerlak yi kak kagat lasugun kalok, nombae nggok mbogot oba mende nen apma ʼbiyiligogoma etoma indewerek asugun eti paga, it elege ʼbugurlakndek etoma an noba witnek. Wenemuk mbalko ʼbuk o,” yiluk yogisasike.

Esigit diluk mende, it akoni o yogondakne inendaga werek mende dogalegat, yabunggane inendaga dek asigin. Nen, it amberek yogondak inendaga dek werek mende yabunggane inendaga werek asigin o,” yiluk yogisasike.

Eti paga, an nendaganggok asuwagaluk ta nen ago palek inom, ewe agot inom, irugi inom, agoya ombae inom, aʼburi inom, wen waganek inom, togot diyalok wago kalok, onggo obalikmo Allah nen ininggi 100 paga mondok dogalegat wogokik, naberlal-kaberlal wogokik, kagasigin o.

at Yesus nen, “Kat kebe pano mondok asigiluk kalok, yoma nen lalok kamende yi mende ndi mende etoma taʼbokogonat it amberek inoba onggo wagani lano. Onggo waganogo wokisugun mende eti, it akoni amberek inamende dek ininggi dek mende eti sumbusogo wogisano. Esigit diluk wogisagin kalok, kat mbogot oba mende nggogat indewerek asigin o. Eti paga, asigit diluk arat sumbusogo wogisalok, an nomborlik noko dogonok nen, witno,” yiluk yogokike.

at Yesus nen, men yogokike, “Pano nggi kak kagako dogusak yiluk an yokneken eti ninggit diluk nen. Pano kagarigogo mende eti, At omanggiat werek o. Kat iniluk mondok dogogunmo etoma unggusak warlok kalok, wene Allah nen ninasuk wakike wene eti kasuk kol diluk mot-mot kagako dogono o,” yiluk yogokikemo

Esigit diluk yogisasikesik, at nen, “Wene eti mendeat yabunggane dagakogo yokisak. Wam unta nggok muluk eti mende, disu elo perlelekma nggolaʼbumo erlok lelokogo unggusak mende, it akoni inamende dogalegat mende eti Allah nen apma ʼbiyiligogoma etoma unggusak mondok erlok dek o,” yiluk yogisasike.

Eti paga, wene omanggi yi yokisak. Ap ta nen age waganek mende ap omanggi nen yogot paʼbiyigidekmaat, monogo togot diyalok kwe ninat mende omanggi waganggo kalok, yogorat kagasugun o,” yiluk esigit diluk yogisasikemo

Lagikemo at Yesus nen agoromi ane waganggo laguka mende yomenogo men yogisasike, “Akoni inamende dogalegat mende eti nombae nggok mbogot oba mende nen apma ʼbiyiligogoma etoma ninggit diluk ungguʼbugat o, yiluk eberogonat yokisigi,” yiluk yogisasike.