Populaire Bijbelverzen uit Markə 13

Deel

Dəwje tɔyn a mbətəjese mbam. A dəw kə̂ uwa arə ngəng ndərəng tee kɔnyɛ̂ tə̂ a, a kinga kaji.»

Arəje kəmse kətərə, arje dɔ gɔlse tə̂. Mba ə-gərəje ndɔ kə̂ nɛ̂njeenn le a toje nɛ̂n ang.

Bbo daw kə se sariya tə̂ a, arəje məse sangəse kete mba tar kə̂ â paje wase gusu kə̂ â paje nɛ̂n tar le ang. Tar kə̂ Lubba a karəse karɛ̂ tə̂ənn njaa â ta ə-paje. To tar kə̂ sese njaa â paje ang. To Ndil-mə-nda â, a pa tar le.

Dara kə nangə a ndayje, a tarje ləm a ndayje ndɔ kâra ang.»

«A ndɔ wase kar kə̂ nɛ̂njeenn le a toje nɛ̂n le, dəw kâra gərə ang. Anjəje kə̂ darâ wase Ngonn le kara gərə ang. Bɔ kə karɛ̂ baa â gərə.

Bbo ooje tar ddɔje kə̂ aw ddee ngɔsi kə tar ddɔje kə̂ nayn ddəw əw a, arəje bbəəl uta dɔse ang. Maji karə nɛ̂njeenn le toje bba. A, a to ddutu ndɔ ang bbay.

Yeenn a, arəje bbi ɔru kəmse ang, mba ə-gərəje ndɔ kə̂ nje-kəy le a ddee nɛ̂n ang. Nâ ddee lo-kul tə̂ wase til tə̂ kə̂ kar nday wase dɔbakəbbe tə̂ wase kə əndɔɔ wa kara â gərəje ang. Maji karə n̂-təl n̂-ddee ningase busu dɔ bbi tə̂ ang. Tar kə̂ m-pa marəse nəənn, m-pa marə dəwje tɔyn: Arəje kəmse kətərə.»

Marə gəl-dəwje a kin ta dda ddɔ kə marə gəl-dəwje. Marə Bbe-kɔn a kin ta dda ddɔ kə marə Bbe-kɔn. Nangə a yəkə loje tə̂ dang dang, tɔkə bbo a koso. A nɛ̂njeenn tɔyn a toje tokə lə kunn-kutu nduru-ndo lə dɛnɛ̂n.»

Mba maji karə dila mbər Tar kə̂ Maji darə dəwje tɔyn kete bba.

Dəwje nya a ddeeje kə rim ngaâ a paje nan: ‹Əman â m-to Kristə le!› Dâ kərəje dəwje nya.

«A sese, undaje kəmse dɔ rɔse tə̂. Dəwje a kawje kə se nɔn sariya tə̂. Dəwje a tundase mə kəy mbɔn-naan tə̂ lə Jiipije, dâ kawje kə se nɔn ngann mbayje tə̂ kə nɔn tɔkə mbayje tə̂ mbam ngaâ â toje to njê-tar-najije ləm.

Mba kristəje kə̂ tɔkɔrɔ ang kə njê-kilaje mbər tar kə̂ tɔkɔrɔ ang a ddeeje. Dâ ddaje nɛ̂n-mɔrije kə nɛ̂nje kə̂ dum dɔ dəwje, bbo ddəw to a, njê kə̂ Lubba mbərəde kara dâ kərəjede tɔ.

«Dɔ ndɔje tə̂ənn le, go nɛ̂n kəm-to-ndooje tə̂ le a, kar a tuka ndul ta nɛyn a nda ang ngaa. Əndɛtɛrɛndɛnje a kinje darâ gaynje nangə̂ ngaâ singa-mɔnguje kə̂ darâ a yəkəje.