Populaire Bijbelverzen uit Shiyanso 6

Deel

Wásigitikha mandu kwa kivawumba avaanu pa nyi apa, apo inumbula yaakwe yaaluma mandu.

UMutwa uNguluvi wáwaaga uwunansi wa vaanu ava wukhome mu nyi yoona, na uluhaavi loona amahiiva goona aga vaanu gakhandi ga wunansi hela.

Leelo, uNuhu wámushendefyaga uNguluvi.

Iyi yiyeene mola ya Nuhu. UNuhu akhandi muunu mugolofu yuna agaya mangʼuulo pa Nguluvi, uluhaavi lwa vaanu vaakwe.

Lino, wáaja, “Nikhavabuda avaanu woona vina navawumbaga pa nyi apa, kiyansa avaanu mbakha inkhanu soona, ifiinu fina fitambala ni nyuni sa kushaanya. Khanji nihiiva kwashi navawumbaga!”

Avaanu vayansaaga kiyonjelela na kiyalaalila pa nyi apa. Avaana va shidiimi va Nguluvi vavaaga avahinja va vaanu vanofu mandu na vavatoola kiiva vadala vaanave ngaja shina vavageene. Baheene uMutwa uNguluvi wáaja, “Inumbula yangu yisikhasigala mwa muunu nsiku soona, kwa kiiva umwene wa kiifwa. Insiku saakwe sikhava maakha ligana limo na mashumi gavili (120).” Uluhaavi ulo avaana va shigoosi va Nguluvi vakhandi vijenda na vahinja va vaanu baheene vaava viisava avaana vaanave. Avaana ava vatambulwagwa Vanefili, ava vakhandi vagoosi vanya ngufu na vakhandi vimanyikha mandu.

UNuhu wáagaha goona ngaja shina uNguluvi akhandi amulajiise.

Baheene uNguluvi wámujovela uNuhu, “Nalamula kivabuda avaanu woona kwa kiiva vayimemiise mandu inyi uwunansi. Shiyooli nisivabude woona lumo ni nyi!

“Lino tenda ishipugo shikhome mandu isha mabaani ga muvanga, tenda imwandi mukhati yaakwe ushipashe umupulya mukhati na kunja.

Lino, uNguluvi wáyiloleelaga inyi, wáyaaga kiija, yinanjiishe mandu na vaanu woona vaveele vanansi na vanya mapuli. Khanji shila shiinu shina shuumi shikhandi shiigaha uwunansi.

Uyinjise shila shiwumbwa shina shuumi fivili fivili, shimo shigoosi na shimo shidala, baheene fikulushe lumo noowe.