Populaire Bijbelverzen uit Shiyanso 17

Deel

UAbulaamu pina akhandi ana maakha mashumi gonja ni gonja, uMutwa uNguluvi wámutwiwushilaga, wámujovela wáaja, “One yuune Nguluvi Munya Ngufu Soona. Yinatilaga amamanyiso gangu na kiiva mugolofu

Khanji, nisiliseetule ilitaawa lyakho. Kiyansisa iminsiyaano usiiva witambulwa Abulaamu, leelo usitambulwe Abulahamu, kwa kiiva nakugaha uve daada wa vaanu va nyi nyinshi.

“Ulufingo lwangu ulu noowe na vanaakho lwa shiluta, nikhaluyinatila. Khanji nisiive Nguluvi waakho, na vanaakho ni fisafi fyona kwa nsiku soona.

“Puliisa, ulu lulwene lufingo lwangu noowe, nisikugahe uve daada wa fimyanja finshi mandu.

Leelo uNguluvi wámujovela wáaja, “Ndaali ndeeno, uSaala umudala waakho akhakusavila umwana wa shigoosi, ilitaawa lyakwe ukhamutambulila Isaaka. One nisilukwise ulufingo lwangu wunofu nu mwene nu lusawo lwakwe. Ulufingo ulu lusiive lwa shiluta.

Inyi yoona iyi iya Kanaani yina wiikhala ngaja muhensa, nikhakupeela owe nu lusawo lwakho ni fisafi fyanave, yive wusi waanave nsiku soona. One nisiive Nguluvi waanave nsiku soona.”

Baheene uAbulahamu wágubama pansi, wáahekha ikiyilogolela mwene iija, “Vayaa! Aasi, yingava wuli umuunu mugogolo umunya maakha ligana, kisava umwana? USaala umushimaayi umugogolo uwa maakha mashumi gonja, akhasava umwana wuli?”

UNguluvi wáyitenekha kimujova uAbulahamu wáaja, “Kiyansisa iminsiyaano umudala waakho usimushemeela Salaayi khanji, usiive ukimushemeela Saala.

Lino, shila mugoosi uwa kunyeenyu mbakha adumulwe ulunsiita. Ulu lulwene luwonensa ulufingo lwangu kunyeenyu.

Leelo, ulufingo lwangu nikhalugaha nu Isaaka yuna akhasawa nu Saala, uluhaavi ngaja ulu, umwakha guna gwiyinsa.”

Avaana veenyu woona va shigoosi vina vafisiise nsiku munaana kihuma vasawe, muvayinjisaaje ijando. Khanji avavanda vina vasaviilwe kukhaaya yaakho, hata vala vina muvagulile kihuma ku nyi inyensa, woope muvayinjisaaje ijando. Shila muunu mugoosi uwa mukhaaya yaakho ayinjisiwaajwe ijando! Kiyinjisiwa ijando kusiwonense ulufingo lwangu mu mavili geenyu insiku soona.