Populaire Bijbelverzen uit Shiyanso 15

Deel

UAbulahamu wámuhuviilila uNguluvi, ndeeno uNguluvi wámuvasa kiiva mugolofu.

Gaganile kishila ago, iliswi lya Mutwa uNguluvi lyamuyinsila uAbulaamu pina ilolootwa, kiija, “Abulaamu! Usikhatiilaga, one nikikugombelela ngaja ngula na nisikupeele ulutono ulukhome.”

Baaho uNguluvi wámuhumya panja wámujovela wáaja, “Loleela kushaanya usivase inondwe, nda shiyooli ukwiliile kisivasa. Shiisho ndeeno shina shikhava shiyolweshe hata ishikholo shaakho.”

Baheene iliswi lya Mutwa uNguluvi lyamuyinsila uAbulaamu khanji lyamujova kiija, “Uyu uEliyeseeli asikhava muhalaaji waakho! Umwanaakho yumwene akhava muhalaaji waakho.”

Baheene uNguluvi wámujovela mu malooto wáaja, “Umanyaje shiyooli kiija, avaana va lusawo lwakho, vakhava vahensa mu nyi yina yisili yaanave. Ndeeno, vakhava vavanda na kipata amalava kwa maakha magana gana (400).

Leelo, uAbulaamu wáaja, “Wee Mutwa Nguluvi! Lino, usinipeele shishi ongo na yuune nimugaya mwana? Umwana yuna asihaale yu Eliyeseeli uMudamesiki?

Ilijuva lilila uNguluvi wáfinjile nu Abulaamu wámujovela wáaja, “Navapeela ulusawo lwakho inyi iyi, kihuma umukhoga ugwa Misili mbakha umukhoga gula umukhome ugwa Efulaati.

Ishisafi shaakho isha wuna shikhatina khanji apa, kwa kiiva uwunansi wa Vaamoli wusinakwilane.”