Populaire Bijbelverzen uit Matta 13

Deel

Walakin zzarriƹeṯ nni ig iwḍan ḏi ṯmurṯ ṯaṣebḥant nettaṯ am can bnaḏem ig itesȓan i wawaȓ n Arebbi, ifehhem-as itarew. Ijjen itarew miyya, ijjen settin, ijjen ṯȓaṯin."

Zzarriƹeṯ nni ig iwḍan jar isennanen nettaṯ am yijjen n bnaḏem iy itesȓan i wawaȓ n Arebbi ḏayes amnus n ddunect, icemmeṯ-iṯ ṭṭmaƹ n wagȓa, ssenni itwajeyyef wawaȓ n Arebbi war ineffeƹ ca.

Ijjen itsȓa i wawaȓ x ȓmulk ujenna war ṯ itefhim ca. Iƹni netta am zzarriƹeṯ nni ig iwḍan x ubriḏ. Itraḥ Uƹeffan nni n Ibȓis, itekkes awaȓ nni itwazerƹen ḏayes ḏeg wuȓ.

Zzarriƹeṯ nni ig iwḍan jar yizra nettaṯ am can bnaḏem ig itesȓan i wawaȓ n Arebbi iqbeȓ-iṯ s ȓefraḥeṯ. Wami war yuwṯi bu iẓewran mliḥ ḏeɣya tneqȓaƹen. Xmi d tasent can ȓemḥayen niɣ ḏ can uƹeddeb x ssabab n wawaȓ n Arebbi, ḏeɣya iteffeɣ abriḏ.

Ȓmulk ujenna amecnaw ijjen n ȓkenz ixzen ḏi can umarjeƹ, yufi-ṯ can ḥadd iƹaweḏ isnuffar-iṯ. Uca s ȓefraḥeṯ nni iy ḏayes, izzenz marra min ɣares isɣa amarjeƹ nni.

Walakin can zzarriƹeṯ ṯewḍa x ṯmurṯ ṯaṣebḥant, ṯegga ṯiyḏerin. Ȓebƹaḍ ggint miyya, ȓebƹaḍ ggint settin, ȓebƹaḍ ggint ṯȓaṯin.

Jjeṯ irḏan aḏ mɣaren ak isennanen. Axmi d ɣa yaweḍ ȓweqṯ n umjar aḏasen iniɣ i icewwaren: Kkseṯ isennanen ḏ amezwaru smunem-ṯen ceddem-ṯen ḥima aḏ ḥarqen. Walakin irḏan jemƹem-ṯen awim-ṯen ɣar ṯesrafin inu."