Populaire Bijbelverzen uit ଲୁକ 22

Deel

ହୋ ବାବା ଯଦି ନିୱାଦ୍ ଇଚ୍ଛା ମାନ୍‍ତା, ଆଲାତ୍କେ ଇଦ୍ ଦୁଃକାତାଦ୍ ପାତ୍ର ନା କନ୍‍ସ୍ ଦୂରାମ୍‍ମାଡ଼ା; ମିକା ନାୱାଦ୍ ଇଚ୍ଛା ଇଲା, ମାତର୍ ନିୱାଦ୍ ଇଚ୍ଛା ସାରେ ଆୟି ।

ବାତେଙ୍କ୍ ଇତ୍କେ ମିୱାଦ୍ ବିଶ୍ୱାସ୍ ବେଲାକି ଲପ୍ ଆୟ୍‍ୟ, ଆଦିନ୍ ମାଇଦିଙ୍କ୍ ନାନ୍ ମି ମାଇଦିଙ୍କ୍ ପ୍ରାର୍ତନା ମାଡ଼ିମିନ୍ଦେଣ୍ଡ୍; ମେଣ୍ଡେ, ମିଡ଼୍ ୱାଦାନ୍ ୱେଲେ ମି ତାମୁଣ୍ଡ୍‌କିଡ଼୍‍କ୍ ବିଶ୍ୱାସ୍ ମାଡ଼ାଙ୍କ୍ କେଲମୁଟ୍ ।”

ମେଣ୍ଡେ ଅଣ୍ଡ୍‌ ଆଦ୍ ରୂଟି ଅସ୍ ଦନ୍ୟବାଦ୍ ଇତ୍‍ତନ୍ ନୁ ଆଦିଙ୍କ୍ ଉହୁସ୍ ଅଡ଼୍‌‍କିଂଙ୍କ୍ ଇସ୍ କେତ୍ତଣ୍ଡ୍, “ମି ସେଙ୍ଗେ ହିତ୍‍ତାଦ୍ ତିନ୍ଦାନାଦ୍ ରୂଟି ନାୱାଦ୍ ମେନ୍ଦୁଲ୍ ନାକିଂଙ୍କ୍ ଏର୍କାମାଡ଼ଙ୍କ୍ ମାଇଦିଙ୍କ୍ ଇଲା ମାଡ଼ାଟ୍ ।”

ତିତ୍‍ତା ପେର୍‍କେ ଅଣ୍ଡ୍‌ ଅଡ଼୍‌‍କିଂଙ୍କ୍ ଦ୍ରାକ୍ଷାରସ୍ ମାନ୍ଦେତାଗ୍ ତାସ୍ କେତ୍‍ତଣ୍ଡ୍, ଇଦ୍ ଉନ୍ଦାନାଦ୍ ମି ମାଇଦିଙ୍କ୍ ନାୟାଗ୍‍ କନ୍‍ସ୍ ପେଇତାନ୍ ନେତୁର୍ ଇଦ୍ ନେତୁର୍‍ତାଗାଙ୍କ୍ ପୁଃନେ ନିୟମ୍ ଆରାମ୍ ଆଦ୍‍ତେ ।

ଅଣ୍ଡ୍‌ ମନ୍‍ତାଗ୍ ଦୁଃକାମ୍ ଆସ୍ ଅଣ୍ଡୟ୍‌ ହେର୍କେତେ ପ୍ରାର୍ତନା ମାଡ଼ାଙ୍କ୍ ପସ୍‍ପ୍‍ତଣ୍ଡ୍ ନୁ ଅନାଦ୍‌ ଉବାମ୍ ନାର୍ଗେ ଆସ୍ ନେତୁର୍ ହିନା ନେଲ୍ ରାୟିତା ।

ବାତେଙ୍କ୍ ଇତ୍କେ ମିଡ଼୍ ଆଲା ଆୟମାଟ୍, ମାତର୍ ମିୟାଗାଙ୍କ୍ ବେନ ବାଡ଼୍‍ୟଣ୍ଡ୍, ଅଣ୍ଡ୍‌ ସୁଦୁନଣ୍ଡ୍ ଲେକେମ୍ ଆୱିଣ୍ଡ୍, ମେଣ୍ଡେ ବେନ ନେତାଲ୍, ଅଣ୍ଡ୍‌ ସେବା ମାଡ଼ାନଣ୍ଡ୍‍ ଲେକେମ୍ ଆଇଣ୍ଡ୍‍ ।

ବାତେଙ୍କ୍ ଇତ୍କେ ଜିସୁ କେତ୍ତଣ୍ଡ୍, “ହୋ ପିତର୍,” ନାନ୍ ନିକିଂଙ୍କ୍ କେସମିନ୍ଦେନ୍, “ନେଣ୍ଡ୍ କର୍କ୍ କୁସାନ୍ ମୁନେଙ୍କ୍ ନିମେ ନାକିଂଙ୍କ୍ ପୁନ୍‍ନନ୍ ଇଞ୍ଜ, ମୁଣ୍ଡ୍ ଦାମ୍ କେତିତିନ୍ ।”