Populaire Bijbelverzen uit मत्ती 12

Deel

होर हांऊँ तुस्सा किन्हें बोल्हा कि, जो-जो निकम्मी गल्ला माह्णुं बोल्घे, न्याय रे ध्याड़े तिन्हा हर एक गल्ला रा लेखा देणा। क्यूंकि तुध आपणी गल्ला री वजहा ले ई धर्मी होर आपणी गल्ला री वजहा ले ई दोसी बणना।”

तुस्से लोक जैहर्ले कीड़े रे बच्चे साहीं ऐं, तुस्से बुरे हुई किन्हें किहाँ खरी गल्ला बोली सक्हा ऐं? क्यूंकि जो मना मन्झ भरीरा, सेई मुंहा पर आई जाहाँ।

खरा माह्णुं मना रे भण्डारा ले खरी गल्ला काढा; होर बुरा माह्णुं मना ले भण्डार ले बुरी गल्ला काढा।

इधी कठे हांऊँ तुस्सा किन्हें बोल्हा कि, माह्णुं रा सब किस्मा रा पाप होर जो बदनामी स्यों करहे से माफ किती जाणी, पर पवित्र आत्मा री निंदा माफ नी किती जाणी।

“एक डाल फला ले ई पछ्याणया जाहाँ। अगर डाल खरा, ता तेसरे फल भी खरे हूंणे, अगर डाल बुरा, ता तेसरे फल भी बुरे हूंणे।