Populaire Bijbelverzen uit Ts'etta 3

Deel

Zəiyfayk'le g'ecen, mane yiven meyvabı oxhanasıd kara'ə vod, ulesqadıd yugda vod qöö, ats'al ıkkanang'usud ıkkanəxdıd. Mançil-allab məng'ee mana meyva qopxu opxhanna. Qiyğab k'ane ulyorzulyne adamiys meyva hoole, mang'veeyib ooxhanna.

Rəbb Allahee itxhınne çolune həyvanaaşina, gırgınçile hiyləgarna xoçeniy vob. Xoçeyn zəiyfayk'le uvhuyn: – Hək'edane, Allahee şok'le bağeene yivaaşina nençinacab meyva umooxhan uvhu?

Zı, yiğneyiy zəiyfayne əreeqa, vuşde kulyfatbışde əreeqa duşmaniyvalla abçes. Şeng'une kulyfatın yiğne vuk'les ı'xəs, ğunab mang'une mı'q'les üvxəs.

Qiyğa Rəbb Allahee zəiyfayk'le eyhen: – Vas vuxhnenang'a geeb xəppa əziyyat hevles, uşaxar k'ovaka vuxas. Adamee valqa k'ırı gyaqqı vas ıkkiykanas, Meeb mang'veecab xəbvalla vas haa'as.

Nyuq'vnelqa sak'alasmee, ligayne şinıka hı'iyn g'ık oxhanas. Ğu nyaq'v vorna, mançike alyart'uva, ğu nyuq'vnelqar sak'alasda.

Qiyğa Rəbb Allahee Aadamık'leme uvhuyn: – Ğu xhunaşşel k'ırı alixhxhı, umooxhan uvhuna meyva opxhun. Həşdeb val-alla nyaq'v bed-düə hav'u. I'mı'rvolle zəhmətıka ğu vasın g'ık nyuq'vnel ha'as.

Rəbb Allahee eyhen: – Şavaane vak'le ğu ts'eler ıxhay uvhu? Deşxhee, vas oxhanas q'adağa hav'uyne yivena meyvane opxhun?

Mang'vee Eden bağne şargılqa g'oramişa'an malaaikariy gırgıne suralqa iliyk'aran ts'ayıkan g'ılınc giyxhe ı'mrene yivelqa əəna yəq avqecenva.

Aadamee xhunaşşeyn do Həva (ı'mı'r) giyxhe. Mana ç'iyeyne aq'val vuxhaynbışda gırgıng'una yed yeexhe.