Populaire Bijbelverzen uit ɛYohana 10

Deel

ɛHaa ɛyi gha yɛɛs te ɛ hyel ɛyi, ɛbhɛ phoo, ɛ ta bees. Nggɛ ne yɛɛs tɛ nibhɛ sɛ iken, nibhɛ ne sɛ iphɛ hyɔrɔ.

“Mee nzo ɛhaa ne ntsabhak ɛyɛnɛng nga. ɛHaa ntsabhak ɛyɛnɛng nga nang iken ɛbhɛ ɛlɔ ne ntsabhak ɛbhɛ de.

Ntsabhak nge de tenes izɔlɔs nge; nzi yɛɛ ihywɛ, ihywɛ ne roos me.

Nzi naas ihywɛ iken ne inat, sɔng ihywɛ sɛ́ ne kus sang; sɔng ɛnyi sɛ ne yɛɛ ne phɔt ihywɛ ndɔ ne iwɔ nge gha nang.

Mee n so ɛnu ne izuk ne ibang nga, ɛhiha ɛnyi ne ɛ kɛ roos ɛlɔ nge gha ɛ lel, aa ne phɔrɔt. Aa ne i leesel ɛ ta wuusi, ne i hyep ɛbhɛ yɛnɛng.

“Mee nzo ɛhaa ne ntsabhak ɛyɛnɛng nga, nzi ne yɛɛ ntsabhak nge de, ntsabhak nge de ne ma yɛɛ me

ɛKyɛɛ nge gha ne ɛ kɛ nang me ihywɛ wo ɛ phyin ne igbom gbik; sɔng ɛnyi sɛ yɛɛ ne phɔt ihywɛ ndɔ ne iwɔ ɛKyɛɛ nge wo nang. Mee wo ne ɛkyɛɛ gha njwi so nidaan nɛ.”

ɛli ne ɛKyɛɛ nge gha i yɛɛ me ma nzi yɛɛ ɛKyɛɛ gha. Nggɛ ne nang iken nge de ɛlɔ ntsabhak nge de.

Sɔng ɛnyi yaa ne phɔt iken nge de nɛ me wo nang, mee nzi naas iken de ne ishwim nge. N bok ito ne nang iphɛ, gbik ne ito ne bo iphɛ dɔng. ɛKyɛɛ nge gha ɛbhɛ kɛ yɛk me nɛ te mɔn ɛlɛ wo.”

iPhɛ ɛlɛy, ɛYɛso gha ne ta ɛ yaak nibhɛ, “Nzi tɔng nyini itin nɛ, Mee nzo ɛnu ne izuk ne ibang ntsabhak ge.

Sɔng ɛnyi gha ne kɛ kɔp ɛbhɛ wo ɛbhɛ so ɛhaa ntsabhak ka nang, sɔng ntsabhak ge ne so izee ɛbhɛ nang. iPhɛ ɛlɛy yaa ne sɛ ɛ kɛ yaang nibu-nizaram, ne ɛ tel ɛ tek ntsabhak ge. Nibu-nizaram ma ne ji sɛngɛre ntsabhak ge ihywɛ ne teye shwaa.

ɛYɛso gha ne yaak nibhɛ, “Nzi tɔng nyini itin nɛ, ɛnyi gha ne ɛ kɛ sang roos ɛnu ne izuk ne ibang ne ntsabhak ge, ɛ kyii roos ikɛk ge ɛ lel lo ɛ soye ɛhaa ɛyi, ne ɛhaa ne bo ihwet ɛ phɔrɔt nɛ nikɔn ninyi.