Populaire Bijbelverzen uit Gyi 5

Deel

Na Pita nee ɛzoanvolɛma ne buale kɛ, “Ɔwɔ kɛ yɛtie Nyamenle yɛtɛla sonla.

Yemɔti dahuu bɛhɔle Ɛzonlenlɛ Sua ne anu nee azua nu bɛhilehilele na bɛbɔle Edwɛkpa ne mɔɔ fane Gyisɛse anwo la nolo kɛ yemɔ a ɔle Mɛzaya ne a.

Pita zele ye kɛ, “Ananayase, duzu ati a wɔmaa Seetan ɛvo ɛ nwo zo na yemaa wɔbɛlɛbɛla Sunsum Nwuanzanwuanza ne na wɔde ezukoa mɔɔ ɛnyianle ye la bie wɔvea ɛ? Mɔɔ ɛtɛtɔnenle wɔ agyadeɛ ne la, ɛnee ɔle wɔ ɛdeɛ, yɛɛ mɔɔ ɛdɔnenle wɔ agyadeɛ ne la, ɛnee ɔle wɔ ɛdeɛ, yɛɛ mɔɔ ɛdɔnenle ye la, ɛnee ezukoa ne noko le wɔ ɛdeɛ. Na duzu yɛɛ hanle wɔ manle ɛvale adwenle ɛhye a? Adalɛ ɛhye wɔambɔ wɔangile sonla; wɔbɔ wɔhile Nyamenle!” Ananayase dele edwɛkɛ ɛhye la, ɔpɛle ɔfinle na ɔwule ɛkɛ ne ala; na ɛzulolɛ kpole hanle bɛdabɛ mɔɔ bɛdele edwɛkɛ ne la amuala.

Yemɔti mɔɔ meka meahile bɛ wɔ ɛhye anwo la a le kɛ, bɛgyakyi bɛ, bɛmmayɛ bɛ ɛhwee. Na saa mɔɔ bɛlɛyɛ la le sonla ngyehyɛlɛ a, ɔbazɛkye. Saa ɔvi Nyamenle noko a, yemɔ ɔyɛ se kɛ bɛkɛhola ye sɛkye, yɛɛ eza noko bɛannea boɛ a, bɛbaho bɛatia Nyamenle.” Ayiama ne vale Gameeleɛle folɛdulɛ ne.