Populaire Bijbelverzen uit Motíosi 15

Deel

Kanɛ́ bɔ́ɔbɔ bó húmenemú naá nyuudé bó úlenemú naá odɛ́má, bɔ́ɔbɔ moánɛ bɔ́ bó áganamɔ́ mɔtɔ biílo naá oŋgíso yá Asaŋa. Kɔ́ɔ, naá odɛ́má yá mɔtɔ gɔ́ɔ bɛgáda bá mbééníŋínyí bɛ́ úlenemú hɔ́ɔ, bɛ́ bɛ́ mo dómanamɔ́ go go óna batɔ, go go ŋanana gɛdáŋa na go fídene gɛɔyɔ gá hanyɔ́, go go íbene, go go bude ufíno yá sɔ́gɔ́ɔ, go go gálagala gá basɔ́gɔ́ɔ nnyimé nnyimé.

Caá akɛ́ bɔ́ɔbɔ bó íŋenenemú naá nyuudé ná mɔtɔ bɔ́ bó mo áganamɔ́ biílo naá oŋgíso yá Asaŋa; kanɛ́ bó lɔ́mɔ́ bɔ́ɔbɔ bó húmenemú naá nyuudé nɛ́hɛ́ bɔ́ bó mo áganamɔ́ biílo naá oŋgíso yá Asaŋa.»

Asaŋa a amɔ́: “Boɛ́nɔ bɔ́ɔbɔ bó mbúlugenye goana na nyuudé, kanɛ́ odɛ́má yábɔ́ yó lɛ́ halaháláa namɛ. Mbúlugie yabɔ́ go busío bámɛ ɛ lɛ́ godugúnú, goakɛ́ bicele bɛ́ɛbɛ bá húunenyemú bɛ́ lɔ́mɔ́ bɛ́ɛbɛ bá batɔ moatɛ́ go báágɛnana.”»

Kɔ́ɔ Yésusu a mo gundiemú a amɔ́: «Okɔ́dɔ, gioliminyo gáhɔ gɛ́ lɛ́ gɛkɔ́nɔ́nɔ́ɔ! Ŋgáa bɔ́ɔbɔ o lɛ́galɛgamɔ́ bó báŋa nɔ́ɔ!» Ombóla bɛ́hɛ́ go dómba go éŋuge naá gigúlí gá ndiemi.

Kanɛ́ gɔ́ɔ okɔ́dɔ mɔ́ɔnyɔ a ncomɔ́ gule enúu naá busío bɛ́hɛ́ a amɔ́: «Daadáa, ŋgoyóomú!» Yésusu go mo gundie a amɔ́: «Gó do fɛanánáa go gɔ́lɔ gɛlɛ́dɛ gá baábayɔ́ o fáa baaná bá mbóa.» Okɔ́dɔ a amɔ́: «Daadáa, bó lɛ́ mammana. Hálá kanɛ́, baaná bá mbóa bá bédúgemú na pumbú sá bɛlɛ́dɛ sɛ́ɛsɛ sɛ́ balagadanamɔ́ go cí ya tábɛ́la ya bagɔ́nɔ́ɔ bá sɛ́.»