Populaire Bijbelverzen uit Ruc 23

Deel

Mã Jeju te Hũm Cati mã mehcajrẽn to: ― Inxũ Cati, pom ame ito kên itajê pê ijahkre kêatre, cwỳrjapê ri ame ito hane, na ca ha nee ame kam acryc nare, ne cute me ito kên ita to tojnõ ― hajỹr. Mã krãhtare atajê te Jeju kà to ame ipicràn, ne kẽn te amji pê hũhkàr xà to ihkôt ame amji pê hũhkà, jũm mõrmõ quê ha amji pê to ihkà itajê jũhkà.

Mã Jeju cumã: ― Ỹhỹ, wa ha ampeaj kam amã awjarẽ, ca ha ita kam icahê na, por curi mempejti tyc caxwỳn tĩar ame ipa ata ri, cu ha ajwar apu mõ ― hane.

Ne cute Jeju mã amji jarẽn, ne cumã: ― Jeju, ca ha jũ caxuw Juta catêjê jõ pahhi na amji to, ne hacpỹ ne ate amji jaxàr xà ata kam, ito amji japackrea ne ― hajỹr.

Mã hamre, Jeju hipêr kỳj cati pêa mã caràr, ne caràar kam cute Hũm Cati mã harkwa to: ― Inxũ Cati, hamre, wa ha ty, ne icarõ quê ha ma awỳr api ― hajỹr. Ne cute amji jarẽn jirô pê mã ihtyc.

Ne kẽn japrỳ te Corcota ata kôt harẽn xà te “Mehkrãhhi jõ kẽn” ata wỳr me to cator. Ne pĩ na cute wakỳti to me Jeju jũhkra me ihpar cuhhêc, ne ahna me hãm. Ne hanea ne me hàhkĩj xi atajê to cute me hajỹar ne pĩ na me haxôr, ne awpôc rũm me ita xôr, ne awke rũm me ita xôr.

Mã Pahpãm to me amji kam hapac xà jũrkwa kam Pahpãm jũrkwa caxwỳn me, me hũmre tekjê ata te amji mã ahhyr xà na, cupẽhkà pohti ajêt ata te awryc mã amji jipôn, ne ajpẽn wỳr ihkre.

Mã Roman catêjê nõ pê krãhtare jõ pahhi cati ata te Pahpãm pej na amji mã harẽn, ne taa amji mã: ― Xãmte ampeaj kam hũmre ita peaj to impej ― hajỹr.