Populaire Bijbelverzen uit Genesis 3

Deel

Káti nó꞉nen ne ión꞉kwe ontkáhtho tsi niiorontanehrákwaht, tánon ó꞉ni ónhte wáhi tsi niwahiákon naiòn꞉iake ne aʼohik, tánon onnonhtónnionhwe ónhte wáhi tsi niionehrákwaht naiakoʼnikonhrowáhna. Sók kiʼonhianiiontá꞉ko tánon ón꞉iake. Tánon ó꞉ni wahó꞉ianonte ne ró꞉ne, ók wahá꞉iake.

Kí ó꞉niare ne tiaonhá꞉ʼa tkaʼnikonhrhá꞉tha ó꞉ni tkatsítsho tsi nihá꞉ti ne kontírios shakoiaʼtíson ne ROIá꞉NER Rawenni꞉io. Nó꞉niare waharihwanónʼtonhse ne tsothonwí꞉sen, “kwáh ken ne Rawenni꞉io wahiaró꞉ri ne tóhsa ahsá꞉iake ne tsik nakarontó꞉ten ne kahéhtakon kerite?”

Tanon ne entsien ní꞉se ó꞉niare tánon ne tsothonwí꞉sen ne tentsatatswensehke tánon tsi nathenhontereke ne sehiohokónha tánon nakohiohokónha; thenhianonhtsistarihte, tánon ní꞉se ientshiatiatón꞉ti tánon entshiakó꞉tarike.”

Tsi nonkwá ne tsonthonwí꞉sen wahrènhase nen né꞉ʼe, “Kwáh iaweʼtatshá꞉ni tsi enhseronhiá꞉ken tsi nikarí꞉wes íhshawe naesawiraièn꞉taʼne; karonhiaʼkenhserá꞉kon tsi ensawiraièn꞉taʼne eʼthó sá꞉ne tsi entshiaskanéksheke ne tesení꞉teron; tánon raónha enthianiarotahrhoke.”

Ó꞉nenk tsi Tenhsáʼtarihenserón꞉hkohte ne skonhsà꞉ke ne naʼón꞉ton nohwénhtsa thé꞉nen aontaká꞉nio; kwáh tsi niió꞉re ohwentsá꞉ke nón꞉we nienséhse; tsi tho nón꞉we nitiesaiaʼténha; okèn꞉ra ní꞉se í꞉ken, tánon shé꞉kon kiʼ oʼkèn꞉ra iensehsá꞉ton.”

Tánon wahawénhahse ne rón꞉kwe, “Ne tsi Wahsheiatahónhsatate ne tisení꞉teron, tánon wahsá꞉iake neʼthó keʼhrhite tsi niká꞉ien ne konhró꞉ri, ‘Ne tóhsa ahshá꞉iake,’ ne tsi tho nahshá꞉tiere, enionhontsáksenʼne i꞉se wahserihón꞉ni; kwáh ioioʼtenhserahní꞉ron ensaioʼténhsheke tsi ní꞉ioht tsi enhsatonhnhihsáksheke tsi nihsónhnes

Waʼhén꞉ron, “Ónhka iesahró꞉ri tsi sanéhoskonk thí꞉ken? Wahshá꞉iake kenh tsi niká꞉ien ne konhró꞉ri ne tóhsa ahsá꞉iake?”

Wahoiaʼtínekenhwe ne rón꞉kwe; tánon eʼthó꞉ne tsi tkarahkwínekenʼs nonkwá꞉ti ne kahéhtakon tho nónwe nashakóʼteron ne niʼnikonhrare iotokentis, tánon ne iotsírote naʼshareʼkó꞉wa ne tewatkahrhateníhonhs ne nahiatenʼnikón꞉raren tsi nieiawé꞉non ne tsi kéhrhite ne ionhnheʼónwe.

Ne rón꞉kwe, Eve wahaná꞉tonhkwe ne ró꞉ne, ne tsi áonha kaʼnisténhsera ontená꞉tonhkwe tsi nonkwá nonkweʼshón꞉a.