Populaire Bijbelverzen uit BEGGAR 6

Deel

‍Hoo At Sw nyia koam swcw nvg aoso doom dvb pwknam mam mwv mwwkurv lwwyw kunum, hoo hoqhv mwwg hangam vrr gol pwtkun go mwwmnum.

‍At Sw swcw nvg uraho nyia koog koi loodab nyic-nyia nyinam mam kaapanum, hoo mwwg hang hoqg tuugabnamv almanbo arongam lwxiam mwwl doonum.

‍Hvbmabde Noa At Swg vnyiq kaagaho mwwsw dvb nyinum.

‍Soq tulu si Noag hotam tulungv. Noa mwwg hotam ho lootw bvla timb dvb nyimabo nyiib swwnum. Noa Pwnbo lvgab yvbanum.

‍Ho At Sw benum, “Ngoqg pwnum nyia koam ngo swcw nvg ao soqgv mvpaq tayin, nyia koam la svdin tulungam hoo gwn-xarnbo tulungam hoo doag pvta tulungam twrm tayin, hoggab ngo bulam pwgam gab ngo mwwkurv lwwyw kunum.”

Hwdlo nyia kov gvda aoso dumtwq-miilyw yukun hoo nyem kov bul gab dooknum, ‍Pwnbog ko tuup tulungv nyia koog nyem ko tulungam kaabynum. Hoo bulug kaabynam mam bulv bulug nywxwb naanum. ‍Ho At Sw benum, “Ngoqg Yalv nyia lvgab nwrba gob dooba kuram, hoggab mwv gv aiyaqkv: mwwg swwnam aalv 120 vnyw gob nyitayin.” ‍Hoq moodho Nepilimv swcw nvg aoso doonum, hoo kokw sookam doonum, hwdlo Pwnbog ko tuup tulungv nyia koog nyem dookub haanum hoo bul gab bulv ko bwwjnum. Hoq tuluhv koi bvla axa yuunam nyi gob nyinum.

‍Noa soq sam nyiknum; mwam Pwnbo gaml jinam mwlwngam mwv nyinum.

‍Hoo Pwnbov Noannvn benum, “Ngo swwl doonbo mwlwngam twryum dukub mwwr pakun, hoggab bulv swcwngam yolu-swcin lvgab bwwr mvpa ku. Kaato, ngo swcwngam la bulam twryum tayin.

‍Goper svvda hoqgv no atgab hulu loq ak mvto. Hulu ho wrw loq mvto, hoo ham ura aob takin lvgab hiqtum to.

‍Hoo Pwnbov swcwngam kaanum, hoo kaato, swcwngv kac loodanum, hoggab swcw aoho swwnbo mwlwngv almab nyil kac loodanum.

‍Hoo swwl doonbo svdin luuxy cwr hoqgv no vnyi gogab bulam hulu urab boolwq tvl hoo ngoqg lvgab swwl doomto. Bulam nyem gola nyega loq boolwqto.