Populaire Bijbelverzen uit Piligu 6

Deel

Ka di daa niŋ Yawɛ yoli, o ni daa nam ninsala n-niŋ dunia ŋɔ ni maa zuɣu; ka o suhu daa saɣim pam di zuɣu.

Ka Yawɛ daa ti nya ka ninsalinim’ ninvuɣ’ biɛtali galisi pam dunia ŋɔ ni, ka bɛ suhuri ni tɛha zaa kul nyɛla din bie sahakam.

Amaa Nuhu kɔŋko ka Yawɛ nini daa naɣ’ kul tiɣi.

Nuhu zuliya m-bɔŋɔ: Nuhu daa nyɛla wuntizɔra ŋun jɛmdi Naawuni, ka ka galimi o ʒiɛman’ ni.

Dinzuɣu ka Yawɛ daa yɛli, “N ni kpihim ninsal’ shɛba n ni daa nam niŋ dunia ŋɔ ni zaŋ tabili biŋkɔbiri mini biŋgbamda ni noonsi birili, dama di niŋ ma yoli pam n ni daa nam ba maa zuɣu.”

Ninsalinim’ ni daa ti piligi nabbu dunia ŋɔ ni saha shɛli, ka bɛ daa dɔɣi bipuɣinsi, ka zuɣusaa niriba daa nya ba ka bɛ viɛl’ pam, ka bɛ daa pii bɛ ni bɔri bɛ ni shɛba n-leei bɛ paɣiba. Ka Yawɛ daa yɛli, “N shia kul ku kpalim be ninsal’ ni sahakam, o nyɛla ŋun ni kpi, ka o yuma ni nyɛla yuun’ kɔbiga ni pisi.” Zuɣusaa niriba maa ni daa kpuɣi ninsalinim’ bipuɣinsi dɔɣi bihi saha shɛli mini di saha maa nyaaŋa ka tiyaawumyanim’ daa piligi be dunia ŋɔ ni. Bɛna n-daa nyɛ bɛn mali kpiɔŋ kurimbuni maa ha ni bɛn mali yuya.

Ka Nuhu daa niŋ Naawuni ni yɛl’ o ni o niŋ shɛm maa zaa.

Ka Naawuni daa yɛli Nuhu, “N lo nia ni n kpihim ninsalinim’ zaa birili, dama bɛna n-chɛ ka tuumbiɛri pali dunia ŋɔ ni. Nyama, n ni kpihim bɛ birili dunia ŋɔ ni zaa.

Bom’ sipirɛs dari din mali kpiɔŋ mali ŋariŋ, ka niŋ duri niŋ di ni, ka bo diɣiri n-tabilitabili di puuni mini di nyaaŋa.

Ka Naawuni daa nya ka tuumbiɛri n-kul be dunia ŋɔ ni, dama sokam zaa daa kul dolila tuumbiɛri soli.

Ka lan zaŋ binnɛma balibu kam zaɣ’ lɔɣu ni zaɣ’ nyaŋ niŋ a sani ŋariŋ maa ni, ka lala niŋbu chɛ ka bɛ tiligi.