Populaire Bijbelverzen uit Chɛ̄nɛ̍se̍ē 3

Deel

O̍ ko̍ŋ kɔ̍ɔ̍lī, mɛ̄ɛ̍ chūa̍a̍ chē māā yɔ̄mndo̍ ho̍ō na᷄ŋ le̍ dīo̍o̍, ndu̍yɛ̍ mbo̍ chā mɛ̄ɛ̍ kōmɔ̄ɔ̄ ndɔ̄ɔ̍ na᷄ŋ yɛ̍, ndu̍yɛ̍, mɛ̄ɛ̍ o̍ si̍na̍ māā tē wānā de᷅ ndu̍ pɛ̍ ā kēndū kɔ̄l, mbo̍ kēndī mbo̍ dīā. O̍ ko̍ŋ, mbo̍ kē vɛ̄lɛ̄ pɔ̍nɔ̍ ndɔ̄, ndu̍ bɛ̍ɛ̍ mbo̍ dīā.

Nyāā yōōmāā Mɛ̄lɛ̄ka̍ Ya̍a̍wɛ̄ɛ̄ o̍ to̍o̍si̍a̍a̍ wa̍ ki̍nɛ̍i̍, kɛ̄ūwo̍ ndu̍ o̍o̍ hi̍o̍ū lēyālā kpo̍u̍. Mbo̍ nyūnā wānā la̍nɔ̍ɔ̍ āā, “Bāā Mɛ̄lɛ̄ka̍ dīmi̍ mā dīmīāā āā, ‘Yɔ̄mnde̍ o̍ kpe̍lo̍o̍ ho̍ō ni᷄ŋ ki̍nɛ̍i̍ lā di̍ā le̍?’ ”

I̍ cho̍ ya̍a̍mɔ̍ɔ̍le̍ŋ lūēī nya̍ tɛ̄ɛ̄ŋ nya̍ wānā la̍nɔ̍ɔ̍, mī lu̍e̍i̍ ya̍a̍mɔ̍ɔ̍le̍ŋ yɛ̄yi̍i̍ nu̍mnde̍ tɛ̄ɛ̄ŋ a̍ yɛ̄yi̍i̍ wānā la̍nɔ̍ɔ̍. Yɛ̄yi̍i̍ ndūɛ̍i̍ ō pīlɛ̍ chō nu̍m bōlle̍ŋ lɔ̄wā, mī nūm lɔ̍wa̍ ndu̍ tɔ̄ndīī kɔ̄ɔ̄līe̍i̍.”

Mi̍ Mɛ̄lɛ̄ka̍ dīmūl wānā la̍nɔ̍ɔ̍ āā, “I̍ cho̍ tōsā bōōndu̍ŋ ŋ̄ wā chu̍a̍ūwa̍ vīōlɔ̄ɔ̍ wo̍ŋ, mɛ̄ɛ̍ mī nyɛ̄ nɛ̄īyāa̍ kēi̍ nu̍m chōo̍ ta̍u̍ ta̍u̍. O̍ nyɛ̄ nɛ̄īyāa̍ ni᷄ŋ ŋ̄ vīālū ni̍ŋ chu̍a̍ūwa̍ ni̍, kɛ̍ ndu̍yɛ̍ vɛ̍lɛ̄, mā nɔ̄ yēēmɛ̍i̍ le̍ pɔ̍nɔ̍ nu̍m. Ndu̍yɛ̍, pɔ̍nɔ̍ nu̍m wa᷅ ni̍ŋ nu̍m bōlle̍ŋ ni̍.”

Mɛ̄ɛ̍ mā kēlū la᷄lle̍, ma̍lāŋ ŋ̄ sɔ̄lā nyɛ̍ dīa̍a̍ le̍ dīo̍o̍. He̍ī ŋ̄ chō lō tōsāa̍ ha̍a̍a̍ ni̍ mā mi̍i̍ŋgu̍ o̍ pūūlōo̍ ni᷄ŋ, nāa̍ ŋ̄ fūla̍ wa̍. Pūūlōo̍ ŋ̄ chō ni̍, ndu̍yɛ̍ o̍ pūūlōo̍ ni᷄ŋ ŋ̄ chō vɛ̄lɛ̄ mīīŋgū ni̍.”

Mi̍ Mɛ̄lɛ̄ka̍ dīmūl Pōo̍ āā, “Le̍ chɛ̄lɔ̄ɔ̄ ŋ̄ chɛ᷄l ko̍ŋ la̍a̍ nu̍m dīōm ma̍ dīā yɔ̄m ya̍ I̍ di̍mu̍l nu̍m a̍a̍, ‘Di̍ā le̍ wo̍,’ sēndi̍o̍o̍ chō o̍ lɛ̄ŋnde̍ŋ chōo̍ le̍ sa̍bū nūmndo̍. Le̍ mā sɔ̍la̍ nyɛ̄ dīa̍a̍ mā dē, mɛ̄ɛ̍ mā to̍sa̍ wa̍llo̍ ō kālā ka̍lā. He̍ī ŋ̄ chō lō tōsāa̍ ni̍, ha̍a̍a̍ a̍ pālɛ̍i̍ ŋ̄ chō yōōmū ve̍.

Mi̍ Mɛ̄lɛ̄ka̍ nyūnā ndu̍ āā, “Ō nɛ̄ɛ̍ di̍mu̍l lɛ̄ nu̍m māā ā chō tūū fo̍ndō? Yɔ̄m ya̍ di̍mu̍l nu̍m a̍a̍ di̍ā le̍ wo̍, ndu̍ ŋ̄ dē ni̍?”

Mbo̍ tūāū pōo̍, mbo̍ sōlī ndu̍ I̍dɛ̄ŋ. Mbo̍ hāndū ki̍i̍la̍a̍ Mɛ̄lɛ̄ka̍a̍ I̍dɛ̄ŋ, o̍ bā pāa̍le̍ŋ le̍ chāŋ ndo̍. Mbo̍ hāndū mūɛ̄ī fāŋīī lēyīŋnde̍ lo̍ŋ. Le̍ pɛ̄ŋgu̍ o̍ pɛ̄ŋgu̍ mūɛ̍i̍ he̍ī chō hīŋnɔ᷄ŋndo̍ bā o̍ bā fe̍e̍ le̍ yɔ᷄m yɔ̍ŋgū yo̍o̍mōo̍ wo̍ māndāa̍.

Mi̍ A̍dām kē la̍a̍ ndɔ̍ dīōla̍ŋ āā I̍fī, kāni̍ fu̍u̍le̍, ndu̍ wa̍ kālāa̍ le̍ ŋ̄wāŋndā chīe̍e̍ kpo̍u̍ ni̍.