Populaire Bijbelverzen uit KENESE, 8

Delen

Ua lagona foi e Ieova le manogi lelei, ona faapea ifo lea o Ieova i lona finagalo, E ui lava ina leaga o manatu o loto o tagata e afua mai ina o tama iti, ou te le toe faaoo le malaia i le laueleele ona o tagata; ou te le toe taia mea ola uma e pei ona ou faia. O aso uma o le lalolagi e le toe utuva ai o tausaga e lulu ai, ma tausaga e selesele ai, o le maalili foi ma le vevela, o le vaitoelau ma le vaipalolo, o le ao foi ma le po.

Ona faia lea e Noa o le fata faitaulaga ia Ieova; ua avea foi e ia nisi manu i manu vaefa uma e mamā, ma manu felelei uma e mamā, ua ia fai a‘i taulaga mu i le fata.

Ua manatua e le Atua Noa, ma mea ola uma, ma manu vaefa uma sa i le vaa ma ia. Ua faaagi atu e le Atua le matagi i le lalolagi; ona maui ai lea o le vai

ua toe foi mai ia te ia o le lupe i le afiafi; faauta foi, o i lona gutu le lau olive mata; ona iloa ai lea e Noa ua papau le vai i le lalolagi.