Populaire Bijbelverzen uit Jenèz 22

Deel

Abraram rele kote sa a: Se sou kont Senyè a sa ye. Se poutèt sa, jouk jòdi a, moun ap repete: Sou mòn Senyè a, tout bagay sou kont li.

Bondye di l: — Pran Izarak, pitit ou a, sèl pitit gason ou genyen an, pitit ou renmen anpil la. Ale nan peyi Morija, w'a moute sou tèt mòn mwen pral moutre ou la. Lè w'a rive la, w'a touye l. Apre sa, w'a boule l nèt pou mwen.

Zanj lan di li: — Atansyon! Pa fè ti nonm nan mal! Se atòkile mwen wè ou gen krentif pou mwen vre deske ou pa derefize touye sèl pitit gason ou lan pou mwen.

Abraram reponn: — Pitit mwen, se sou kont Bondye sa ye. Yo toude t'ap kontinye mache ansanm.

Mwen menm tou, mwen pwomèt pou mwen ba ou anpil anpil pitit. Y'ap tankou zetwal nan syèl, tankou grenn sab bò lanmè. Yo va bat tout lènmi yo. Gremesi tout pitit pitit ou yo, tout nasyon sou latè pral jwenn benediksyon. Wi, yo tout, paske ou te fè sa m te mande ou fè a.

Apre tout bagay sa yo, Bondye sonde Abraram pou wè sou ki pye li ye avè l. Bondye rele l: — Abraram! Abraram! Abraram reponn: — Men mwen wi!

Men, zanj Bondye a rete nan syèl la, li rele l: — Abraram! Abraram! Abraram reponn. — Men mwen wi!

Zanj Bondye a rete nan syèl la, li pale ak Abraram yon dezyèm fwa, li di l konsa: — Mwen sèmante sou tèt mwen. Se mwen menm Senyè a ki di sa. Mwen gen pou m beni ou anpil poutèt sa ou fè a. Ou pat refize ban mwen pitit ou a, sèl pitit gason ou genyen an.

Lè yo rive kote Bondye te di l la, Abraram moute yon lotèl, li ranje bwa yo sou li. Li mare Izarak, pitit gason l lan, li mete l sou lotèl la, anwo bwa yo.