Populaire Bijbelverzen uit JOHAN 15

Deel

Niye atsayiboke eno nonguye alokaqoke. Khunono igholo ani eno ino khuno gholo ani keno, tipanono axathi shishe pithi cheni, kughengu isumo keloye nonguye kiumu shimlae.

Igholo kimepe achelo eno ino nongu gholo kimepe anani. Aloka lakhino atsayibolo kimepe moke thaqhu loye pa likhi pa kutoshiye axathi pithimla ketoi nonguye igholo kimepe moke thaqhu loye athi pithimlae.

Nonguno igholo kimepe aye eno itsano nongu lolo aye, nonguno kiu pulo keno khulo, tipau nongu ghenguno shitsu nani.

Nonguno ikisheluke kumoe, ikemu ino nongu kishelu eno nongu hekutsulu eno wupuzu tamono axathi kutomo pithipeni yeke. Tishianguno nonguno ije lono Apuh vilo kiu kiumu khu aye pano nongu tsu nani.

Timi lakhino pawu shompami ghenguno akuxu tsuvekeu nguno kikimiye akiqheu kutau kuhae.

Iloka khijehi axathi pithimo keno pano micheve cheni eno axathi pithikeu loka kumtsu alaushi pithi penike pano tipaqo kixiphe cheni.

Ino ahza yetsu akeuye hike: Ino nongu kimiyeke toi nongu lakhino lakhi kimiyekilelo.

Nonguno axathi kutomo pithikeuno iPu jukuvupu shitsulu acheni; eno tishikeuno nonguye ino kutsuluvekemi shilu nani.

“Niye atsayibo kuchouke eno iPu ye alukichiu ke.

Khunono igholo kimepe moni keno aloka lakhi toi pa ikhipeve cheni eno thizummuyive cheni. Aloka tipaqoye xukumqono amilo vesuveno pitive cheni.

“Ino nongu vilo hipaqo piakeuye ilokivi nongu lolo apeniyeke, eno nongu lokivi shikupu lupeniyeke.

Ino iPuhno ahzatsukeu papelu puzu pawu kikimiyelo kimepe acheke toi, ino ahzatsukeu nonguno papelu aye nonguye iwu kikimiyelo kimepe anani.

Ino ahza hipau nongu tsu ani: Nonguye kimiyekilelo.”

Nonguno ayeghiqha laumi keaye, ayeghiqhano pano laumi kimiyeni cheke. Ikemu ayeghiqha launo ino nongu kishelu eno nonguye tipau laumi kumoe, tighenguno ayeghiqhano nongu mithi cheni.