Populaire Bijbelverzen uit MARK 10

Deel

Mihing Tapa hial leng na sepsak a om ding in a hongpai kei a, na sem ding leh mi tampi tatna dia a hinna pe di’n a hongpai ahizaw hi” a chi hi.

Jesu’n amau a en a, “Huai zaw mihing adin hihvual ahikeia, Pathian adin bel hih vuallouh ahi kei: Pathian adin bangkim hih theih ahi ngal a” a chi hi.

Jesu’n, a kiang ah, “Paita in, na ginna dampih hiteh” a chi a, huchi in, a mu thei pahta a, lampi ah Jesu a zuita hi.

Huaiziak in Pathian in a gawmsa mihing in khen kei hen” a chi hi.

Jesu’n amah a en a, a it ta a, a kiang ah, “Hih ding khat neilai chia; pai inla, na neih peuhmah zuak inla, tagahte kiang ah pia in, huchi in van ah gou na nei ding; huan hongpai inla, honzui in” a chi hi.

Jesu’n amah a houpih a, “Na tung ah bangchi a ka hih na ut a?” a chi hi. Mittaw in a kiang ah, “Heutupa, muh theih ka ut” a chi hi.

Himahleh nou lak ah zaw huchibang ahi kei ding; kuapeuh na lak ua milian hih ut nasemtu in a pang zaw ding ahi.

Chihtaktak in k’on hilh ahi, “Kuapeuh Pathian gam naupang neute’n a kipahpih bang a kipahpihlou asung ah a lut kei hial ding” a chi hi.

Himahleh mi tampi masapena omte nanungpen a honghi ding ua, nanungpente leng masapen a honghi ding uh” a chi hi.

Himahleh leitung piantung a kipan, Pathian in amau numei leh pasal a siam hi. Huai thu ziak in pasal in a nu leh a pa a paisan ding a, a zi a len chinten ding; Huchi in, a nih un sa khat a hong hita ding ua; nih ahi nawn ta kei ua, sa khat a honghi zawta ding uh.