Populaire Bijbelverzen uit MATTHAI 24

Deel

Huan hihkhelhna a punding ziak in mi tamzaw itna a hong dai ding hi. Himahleh, a tawptan a thuakngap peuhmah, huai mingei hotdam in a om ding hi.

Huan hiai gam Tanchinhoih nam tengteng theihsakna ding in khovel tengteng ah hilh in a om ding; huai khitchiang in tawpna a hongtung ding hi.

Huan kidou thu leh kidou thuthang na za ding ua; na mangbat louhna ding un pilvang un; huaite a hongom ding him ahi; himahleh tawpna zaw ahi nai tadih kei ding hi.

Nam tuam leh nam tuam a kidou ding ua, gam tuam leh gam tuam a kidou ding ua, mun tuamtuam ah kial a ke dia, zin a ling ding hi. Huai tengteng nauvei kipatna ahi.

Lei leh van a mang dia, ka thu ahihleh a mang kei ding hi.

Mi tampi’n, ‘Khrist ka hi, chi in, keimah minlou in a hongpai ding uh, mi tampi a khemzoh ding ziak un.’

“Huai hun chiang in gimthuak ding in a hon mansak ding ua, a honthat ding uh. Ka min ziak in nam tengteng huat na hi ding uh. Huai hun chiang in mi tampi a puk ding ua, a kimansak tuah ding ua, a kihaw tuah ding uhi. Zawlnei taklou tampi a hongpawt ding ua, mi tampi a khempuk ding uh.

Jesu’n amau a dawng a, “Kuamah in a hon khemzoh louhna ding in pilvang un.

Huaiziak in nou leng kiging gige in om un, na ginlouh dak ua Mihing Tapa a hongpai ding ziak in.

Huaiziak in kiging un, bang ni’n ahia na Toupa uh a hongpai ding na theihlouh ziak un.

“Himahleh, huai ni leh hun thu Pa kia loungal kuamah in, van a angelte’n leng, Tapa in leng, a theikei uh

Khrist taklou leh zawlnei takloute a hongpawt ding ziak un, huaite’n hithei liai leh telte nangawn leng a khempuk theihna ding un chiamtehna leh thillamdang thupitakte a hih ding uhi.

Noah damlai bang in Mihing Tapa hong painawnna ah ahi ding. Huai ni, tuichim tunma in, Noah long a a lut ni tan in, a ne un a dawn ua, zi leh pasal in a kinei ua; Tuichim a hongtung a, avek ua a lakmang masiah bangmah a theikei uh; Mihing Tapa hongpai nawnna huchi mah bang ahi ding.